Uzulu wesabelo seVirginia, eMelika, uyavota ngoLwesibili kukhetho lokudinga usibalukhulu walindawo.
Abebandla elibusayo elamaDemocrats yibo abaphethe lesisikhundla okwamanje.
Kodwa oncintisa emele ibandla eliphikisayo elamaRepublicans uMnu Glenn Youngkin ukhanya angutshiki lobhanqa lomela amaDemocrats uMnu Terry McAuliffe.
Ukhetho lolu luza ngesikhathi usekelo lukaMongameli Joe Diden owebandla lamaDemocrats solwehlile kakhulu elizweni.
Inengi lithi ukhetho lolu luqakathekile ngoba luzaveza ukuthi usami ngezinyawo yini umbuso kaBiden kumbe uyaxega phambilini kokhetho lwamalunga ephalamende ngomnyaka ozayo.
Ohlaziya ezombusazwe njalo esekela amaDemocrats, uMnu Den Moyo, utshele iStudio 7 ukuthi linganqotshwa ibandla lakhe, lokho kulakho ukuba yisibonelo sokuthi ibandla leli lizanqotshwa kukhetho lwephalamende ngomnyaka ozayo.
