amalinks wokungena

Breaking News

Abenhlanganiso Ezilwela Ilungelo Loluntu Basola Ukuhlukunyezwa Kwentathilizindaba


Intathelizindaba zitshengisele enkambeni yamapholisa.

Inkokheli ye MDC-T layo ithembise ukuhluzisisa imibiko yokuhlukunyezwa kwentathelizindaba emngcwabeni kobengumkhokheli waleli bandla, umuyi umnumzana Morgan Tsvangirai eMahunikwa eBuhera ukuze lilungisise ubudlelwano balo lentathelizindaba.

Lokhu kuza ngemva kwezehlakalo ezithile zokuhlukunyezwa kwentathelizindaba, zisemsebenzini wokuthapha indaba zesililo sobengumkhokheli weMDC-T uMnu. Morgan Tsvangirai.

Umqondisi wenhlanganiso ye Amnesty International Zimbabwe, umnumzana Cousin Zilala, uthi bona njengenhlanganiso bakhankasela ukuqedwa kokuhlukunyezwa kwentathelizindaba, beqala ngaye uhulumende.

Waxwayisa labamabandla ezombusazwe, u Zilala ukuba behlukane lomkhuba wokuhlukumeza intathelizindaba.

Abe Young Journalists Association – YOJA, labo basole kakhulu ukuhlukunyezwa kwentathelizindaba ngesikhathi ziqhuba umsebenzi wazo okubonakale kakhulu ngalesi sikhathi kubhubhe obengumkhokheli weMDC.

Obona ngezokukhulumisana lozulu enhlanganisweni ye YOJA, umnumzana Leopold Munhende, usole kakhulu isehlakalo sokuhlukunyezwa kwentathelizindaba emngcwabeni kaTsvangirai, e Buhera.

UMunhende uthi akubonayo yikuba inkokheli yamabandla ezombusazwe kakhulukazi aphikisayo esazi okuyabe kusenzakala.

Umnumzana Cecil Zvidzai obona ngezokuqoqa inhlelo zikamongameli ebandleni, uthi abebandla lakhe abavumelani lezokuhlukunyezwa kwentathelizindaba.

Osekusenzakala intathelizindaba lenhlanganiso ezilwela ilungelo loluntu bathi osekusenzakala kuyingozi enkulu, kakhulukazi kulungiselelwa ukhetho, lona olwazakalayo ukuba luvame ukuba lodlakela oluqondiswe kuntathelizindaba labamabandla aphikisayo.

please wait

No media source currently available

0:00 0:05:16 0:00

Facebook Forum

XS
SM
MD
LG