amalinks wokungena

Breaking News

Kusungulwa Inkundla Zokuthonisa Amacala Enkohlakalo


Kuvulwa inhlandla lakuqala lokuthonisa amacala.

Ikhomishini ebona ngezemithetho eye Judicial Services Commission isisungule imithethwandaba ezakhangela amacala enkohlakalo ezabelweni zonke zeZimbabwe.

Abanye abahambe emkhosini wokuthetha amacala owenzelwe koBulawayo.
Abanye abahambe emkhosini wokuthetha amacala owenzelwe koBulawayo.

Lokhu kwethulwe ngumahluli womthethwandaba waphezulu oweSupreme Court uJudge Elizabeth Gwaunza ngesikhathi evula okusemthethweni umthethwandaba owe High Court ngoMvulo ekuseni.

Umkhosi wokwenza lokhu obugoqela omantshi, amagqwetha, amalunga edale lephalamende, uMeya wakoBulawayo kanye labantu abevele indaweni ezehlukeneyo wenzelwe enkantolo yeHigh Court koBulawayo.

Unkosikazi Gwaunza uthe kuzavulwa inkantolo yokukhangela amacala enkohlakalo njalo lokhu bakwenza lekhomishini ekhangele lokhu eye Zimbabwe AntiCorruption Commission, iZimbabwe Republic Police. Uthe bakhangelele ukuthi inkantolo ezimbili zisebenze eBulawayo leHarare ekuqaleni komnyaka.

Kusungulwa inkundla zokuthetha amacala abafumbathiswayo kumbe abangethembeki.
Kusungulwa inkundla zokuthetha amacala abafumbathiswayo kumbe abangethembeki.

Olilunga ledale lephalamende ekhangele isabelo sakoBulawayo, Unkosikazi Angeline Masuku uthe inkantolo lezi zizaqeda ukuganga okunengi njalo lokhu kusekelana lezifiso zikaMongameli Emmerson Mnangagwa.

Umsekeli weLaw Society of Zimbabwe, uMnu. Thandaza Masiye Moyo, uthe ukumiswa kwenkantolo ezizakhangela ukuthonisiswa kwamacala enkohlakalo kuzasiza nxa inkantolo lezi zizavunyelwa ukusebenza zingangenelwa ngezombusazwe njalo zinekezwe imali eyeneleyo. Uncome lelinyathelo ethi lamukelekile kakhulu.

Abekhona lamapholisa eveza angakwenza nxa engaxotshanisani labantu abenza okungavunyelwayo.
Abekhona lamapholisa eveza angakwenza nxa engaxotshanisani labantu abenza okungavunyelwayo.

Uhulumende weZimbabwe uzaqala njalo ukuqhelisa inkantolo yeHighcourt ukuze kubelendawo enkulu yokusebenzela. Amacala enkohlakalo eZimbabwe abikwa emanengi kakhulu njalo avame ukungathoniswa kumbe ukuphelela emoyeni.

Udaba lokuvulwa komsebenzi weHigh Court siluphiwa nguBathabile Masuku
please wait

No media source currently available

0:00 0:03:39 0:00

Facebook Forum

XS
SM
MD
LG