amalinks wokungena

Breaking News

Kusungulwa Uhlelo Lokuthuthukisa Abesifazana olweProgram for Gender Equality


zim women
Lanxa sekube lenguquko emsebenzini wokuthuthukiswa kwabesifazane eZimbabwe isilinganiso sibikwa lokhe siphansi kokungamatshumi amahlanu ekhulwini-50% , nxa kulandelwa isivumelano samazwe akunhlanganiso yezwekazi le Africa ese SADC Gender Protocol kundaba zokulinganiswa kwamathuba phakathi kwabesifazane labesilisa kulabo abasezikhundleni zobukhokheli.

Lokhu ngokunye kokuphume emkhosini wokuphawula, okwakuqala elizweni, uhlelo lweminyaka emithathi lokusebenzelana kwenhlanganiso ezikumanyano we United Nations, uhulumende we Zimbabwe kanye loweSweden, ukuthuthukisa inhlelo zokulinganiswa kwamathuba phakathi kwabesilisa labesifazane olwe Program for Gender Equality, owenzelwe emahofisini eUnited Nations Information Centre eHarare njalo lubikwa luzaqhutshwa kusukela kuwonalo umnyaka kusiya ku 2017.

Esethula umbiko wakhe ukwamukela uncedo oluvele kuhulumende weSweden kodwa luzakuqondiswa ngabehlanganiso ye UN Women kuleli, umphathintambo wendaba zabesifazane, ukulinganiswa kwamathuba phakathi kwabesilisa labesifazane kanye lentuthuko kazulu, unkosikazi Oppah Muchinguri, uthi loluncedo luza ngesikhathi esifaneleyo, uhulumende esanda kuphawula uhlelo lwe Zimbabwe Agenda for Sustainable Socio - Economic Transformation- Zim
- Asset , oluhlose ukuthuthukisa impilakahle kazulu kakhulukazi abesifazane.

Lamazwi agcizelelwe ngumqondisi wohlangothi olubona ngezokulinganiswa kwamathuba phakathi kwabesilisa labesifazane kugatsha lunye, unkosikazi Cleopatra Hurungwe, othi luyabongeka loloncedo olutholiswe ugatsha lwakhe luvelela ngakuhulumende weSweden ngoba luzaphathisa kakhulu.

Ummeli weSweden kuleli umnumzana Lars Ronnas obesemkhosini munye uthi uhulumende wakhe uyalusekela loluhlelo yikho enikeze loluncedo lwemali eyedlula kancane izigidi ezinhlanu zamadollar -US$5,3 millon dollars.

Kuthi ummeli wohlangothi lwe UN Women kuleli umnumzana Kemal Mustafa utshele umhlangano munye ukuba loluhlelo luhlose ukuqinisa ukuqhutshwa kwenhlelo zokulinganiswa kwamathuba phakathi kwabesifazane labesilisa elizweni.

Loluhlelo lweminyaka emithathu luqoqwe ngokubonisana kwenhlanganiso ezine okubalisa eye UN Women, International Labour Organisation ( ILO ), United Nations Development Programme ( UNDP ) kanye lolwe UNFPA.

Luzaqhutshwa ngokukhokhelwa ngabenhlanganiso ye UN Women esebenzelana lohulumende.
XS
SM
MD
LG