amalinks wokungena

Breaking News

Kusungulwa uMkhankaso we#EkhayaVote2023 koBulawayo


EkhayaVote2023
EkhayaVote2023

lzakhamizi zakoBulawayo zipha imibono ehlukileyo ngohlelo olusungolwe NgoLwesihlanu lokukhankasela ukuba uzulu ayebhalisela ukuvota, olwenziwa phansi kwesihloko esithi #EkhayaVote2023.

Lolu hlelo lusungulwe ngabenhlanganiso eye Public Policy Research Institute of Zimbabwe beqakathekisa ukukhuthaza abasakhulayo, ikakhulu labo abangakaze bavote, ukuba babhalise ukuze babe lelungelo lokuvota lapho kufika umnyaka ka2023.

Abe ePublic Policy Research Institute of Zimbabwe bemanyene lezinye inhlanganiso ezizimeleyo koBulawayo ezingamatshumi amabili lane bathi bananzelele ukuthi ngomnyaka ozayo sekuhlelwa izigaba zokuvotela eMaNdebeleni balakho ukulahlekelwa ngezinye zezigaba uma inani labantu ababhalisela ukuvota liphansi.

UMnu Sidumo Bhebhe wale inhlanganiso uchasisa ngomkhankaso wabo lo.

“Lamuhla besisungula uhlelo lokuthi abatsha abangaze bavote bayebhalisela ukuvota ngoba ngesikhthi kusenziwa idelimitation izigaba zethu zizakwehla abantu ababhalisele ukuvota manje benela izigaba eziyisitshiyangalonye kodwa abantu bengabhalisela ukuvota sizenelisa ukungalahlekelwa yizigaba esilazo ezilitshumi lambili.”

Olwela amalungelo oluntu, engunobhala jikelele wenhlanganiso yeIbhesthu LikaZulu uMnu Mbuso Fuzwayo ugcizelela ngokuqakatheka kwalolu hlelo.

“Kuyinti enhle ukubalohlelo lwe#EkhayaVote2023 ngoba abantu beMaNdebeleni kumele baphakame bayebhalisela ukuvota, bengakhalali ukuvota ukuze izigaba zingehli njalo uma bevota lemali yentuthuko eyeCDF izenela ukubafinyelela ezigabeni zabo ngoba bengekela ukyabhalisela ukuvota bazabuswa ngabantu bokuza.”

UKhansila KaWard 22 eNkulumane uMnu Rodney Jele uthi uhlelo lolu mhlaumbe lunganceda ukuba abatsha babe ledlabuzani lokuyabhalisela ukuvota.

“Uhlelo lolu luqakatheke kakhulu ngoba luyasincedisa thina leZEC ukuba sikhuphe abantu bayebhalisela ukuvota, bavote njalo ukuze singalahlekelwa yizigaba zethu lapha koBulawayo njalo senelise lokuthi sithole imali yentuthuko ezanceda njalo uzulu ngoba eyabe elzigaba ezinengi emelwe njalo edale lephalamende lakukhansili.”

llunga ledale lephalamende uNkosikazi Sichelesile Mahlangu uthi luhlelo oluhle ukhuthaza abantu ukuba bayebhalisela ukuvota kubelentuthuko.

“Ngikhuthaza abantu bakithi eMatabeleland ukuba bayebhalisela ukuvota, bavote ukuze sibelezigaba ezinengi sizivikele zingadiliki, kulilungelo lethu sonke kungakhathalekile ukuba usuka kuliphi ibandla ukuze sibelentuthuko, ayiyehle icampaign leyi iyefika kuye wonke umuntu ukuze sibelabantu abasimelayo edale lephalamende sibelentuthuko umasilamalunga ambalwa edale kuzenza ukuba intuthuko ingabikhona kulilungelo lethu sonke.”

Osakhulayo okhubazekileyo osuka kuWard 28 eCowdray uSukoluhle Mhlanga ukhuthaza abasakhulayo ukuba bayebhalisela ukuvota lokuvota.

“Luhlelo oluhle olwenziwe zinhlanganiso ezizimeleyo ngoba yithi inkokheli zakusasa kuqakathekile ukuba abatsha ezweni basukumele phezulu bayebhalisela ukuvota, bavote ukuze singalahlekelwa yizigaba zethu eziyizo ezizenza sithole inkokheli ezizasimela edale lephalamende ziphimde zilethe intuthiko kuzabelo zethu.

Abekomishini ebona ngezokhetho eyeZimbabwe Election Commission labo bayawusekela umkhankaso owe #EkhayaVote2023 bethi luhle njalo lwenza umsebenzi wabo ubelula ngoba ngemva kokubalwa kwabantu ngomnyaka ozayo bazaba lohlelo lokubumba izigaba zokuvotela njalo ngenani elikhona labantu ababhalisele ukuvota okwamanje uBulawayo ulakho ukulahlekelwa yizigaba ezintathu ngakho abantu bakhululekile ukuya emawofisini abo besiyabhalisela ukuvota.

XS
SM
MD
LG