amalinks wokungena

Breaking News

Kusungulwa Umkhankaso Wokukhuthaza Uzulu Ukuthi Abhalisele Ukuvota Ngo2023


Zimbabwe voter registration 2018 election

Inhlanganiso ezizimeleyo sezisungule umkhankaso wokukhuthaza uzulu ukuthi abhalisele ukuvota ngobunengi kukhetho luka2023.

Inhlanganiso lezi zigoqela eyeWomen’s Academy for Leadership yona ethi ihlose ukubhalisa abesifazana abayizigidi ezedlula ezimbili, 2,2 million, kanye leElection Resource Center elenhlelo zokuthwala abafuna ukubhalisa ibahambisa lapho okubhaliselwa khona.

Imikhankaso le ibihamba phambili enkundleni yeTwitter ngoLwesibili phansi kwesihloko esithi #2023IamVoting kanye lesithi #RegisterToVoteZW.

Kusenjalo, iMDC Alliance ithi ingatsha zayo koBulawayo zitshengise ukuthi ziyamsekela ngokugcweleyo umkhokheli webandla, uMnu Nelson Chamisa.

Unobhala jikelele walelibandla uMnu Charlton Hwende uthi usekelo abaluthole koBulawayo ngempelasonto luveze mgceke ukuthi lelibandla lilakho ukunqoba kulelidolobho njengemvama.

Inkokheli yalelibandla egoqela uChamisa ibithe gwaqa koBulawayo ngempelaviki ikhulumisana ngenhlelo zokulungiselela ukhetho luka2023.

Ingcwethi ecubungula ezombusazwe, uMnu Rejoice Ngwenya utshele iStudio 7 ukuthi inkinga ekhona kukhetho oluzayo yikuthi amabandla aphikisayo awabambananga.

please wait

No media source currently available

0:00 0:02:28 0:00

Facebook Forum

XS
SM
MD
LG