amalinks wokungena

Breaking News

Kusungulwa Umkhankaso Wokukhuthaza Uzulu Ukuthi Engasathengi Uchago lweDendairy


Two elderly women shop for mealie meal and other basic commodities, March 14 2019, in the Mutoko rural area of Zimbabwe. Eastern Zimbabwe receives help to fight drought induced hunger.

Sokusungulwe umkhankaso okhuthaza abantu ukuthi bangasathengi uchago lokunye ukudla okulungiswa yiDendairy phezu kwemizamo yalinkampani yokuxotsha izimuli ezedlula inkulungwane ezilitshumi lambili, 12,500, esigabeni seChilonga, eChiredzi lapho efuna ukwenza ipulazi elilima utshani benkomo zayo.

Ukuxotshwa kwabantu laba ludaba oluqale nyakenye kodwa luthukuthelise abanengi ngeviki edluleyo ngemva kokuba uhulumende elobe ngokusemthethweni kugwalondaba lwakhe olwethula imithetho, olwe-gazette, ukuthi indawo le isingeyenkampani yeDendiary.

Lokhu kutsho ukuthi izakhamizi lezi sezingaxotshwa yiloba nini. Izakhamizi zithi azila lapho ezingaya khona.

Umkhankaso wokuthi uzulu engasathengi ukudla kwenkampani le usungulwe ngabalwela amalungelo oluntu ebulenjini be-internet kanye labebandla leMDC Alliance.

Umgcinisihlalo walelibandla esigabeni seMatabeleland North, uMnu Prince Dubeko Sibanda utshele iStudio 7 ukuthi yinto embi enziwa nguhulumende lenkampani yeDendiary.

please wait

No media source currently available

0:00 0:02:58 0:00

Amazwi kaSibanda agcizelelwe ngocubungula ezombusazwe uMnu Mbuso Fuzwayo.

please wait

No media source currently available

0:00 0:02:47 0:00

Facebook Forum

XS
SM
MD
LG