amalinks wokungena

Breaking News

Likhuphuka Okwethusayo Inani Labatholakala Belomkhuhlane weCoronavirus eZimbabwe


Uhlangothi lwezempilakahle eZimbabwe lubika ukuthi kulabantu abalitshumi lambili abahlolwe ngoLwesithathu batholakala belegciwane leCoronavirus COVID-19 eZimbabwe.

Phakathi kwenani leli, abalitshumi ngabadabuka eZimbabwe ababehlala kwele South Africa abaphenduka ekhaya sebebhekane lenhlupho ezitshiyeneyo kulandela ukwethulwa kohlelo lokuvalela abantu ezindlini kusenzelwa ukuvimba ukumemetheka komkhuhlane weCOVID-19.

Uhlangothi lolu luthi ababili ngabahlala elizweni.

Lokhu sokukhuphule inani labahlolwa batholakala belegciwane leCOVID-19 layafika amakhulu ayisithupha letshumi lasikhombisa – 617.

Abayisikhombisa babhubha kuthi njalo asebehlolwe kwele Zimbabwe bedlula inkulungwane ezigamatshumi ayisikhombisa – 71,236.

Odokotela bathi kumele abantu balimuke umkhuhlane lo ngoba uyabulala.

UDokotela Xolani Ndlovu, osebenza esibhedlela seMpilo General Hospital, utshele umsakazo weVoice of America ukuthi kuqakathekile ukuthi abantu behlale behlanzekile.

“Kumele bageze izandla zonke isikhathi njalo benze konke okungabavikela kumkhuhlane weCOVID-19”.

Facebook Forum

XS
SM
MD
LG