amalinks wokungena

Breaking News

Kutshaywa Intatelizindaba Lezifundi zeZINASU Emhlanganweni Obuseduzane leImpala Car Rentals eHarare


UMnu. Takudzwa Ngaziore

Abantu abangakazakali ukuthi ngobani bachitha-chithe umhlangano ngoLwesihlanu, lapho obekukhuluma khona umkhokheli wenhlanganiso yezifundi eyeZINASU uMnu. Takudzwa Ngaziore batshaya abanye abakade bekulo umbuthano abagoqela intathelizindaba.

Abantu okungakazakali ukuthi ngobani bachitha-chithe umhlangano ngoLwesihlanu, lapho obekukhuluma khona umkhokheli wenhlanganiso yezifundi eyeZINASU uMnu. Takudzwa Ngaziore batshaya abanye abakade bekulo umbuthano abagoqela intathelizindaba.

Umhlangano lo ubuseduzane lenkampani yeImpala Car Rentals lapho okubikwa kwavela khona imota eyasetshenziswa ukuthumba uMnu. Tawanda Muchehiwa ngenyanga edluleyo, yena othi watshaywa njalo wahlukuluzwa ngabamthumbayo.

Amagqwetha kaMnu. Ngadziore athi ulimele kulandela lesi isehlakalo.

Umthethwandaba wawunqume ukuthi uMnu. Ngadziore engasondeli duzane lenkampani le kulandela ukubotshwa kwakhe etshengisela phambi kwayo esola okwehlela uMnu. Muchehiwa. Kodwa ubikwa ubebucwadlana kwalindawo.

Umfanekiso kamabonakude osenkundleni zokuxhumana eze social media, utshengisa omunye wabesilisa laba bedonsa uMnu. Ngaziore ezinye izifundi zisakhuluma, kweza abanye bancedisana laye.

Intathelizindaba ezibikwa zitshayiwe kumbe zilahlekelwe yimitshina yokusebenzisa zibalisa uThomas Madhuku, Benard Mpofu, Munashe Chokodza, Godwin Mangudya, James Jemwa, labanye.

Igqwetha elibameleyo uMnu. Chris Mhike utshele iStudio 7 ukuthi uJemwa ulimele kulesi isehlakalo.

Amapholisa abikwa esithi asadingisisa ngaloludaba.

Intathelizindaba uLeopold Munhende, ongumqondisi we Young Journalists Association-YOA uthi amanye amalunga enhlanganiso yakhe atshayiwe kulumbuthano njalo amanye alahlekelwa zimpahla zawo.

please wait

No media source currently available

0:00 0:01:54 0:00


Facebook Forum

XS
SM
MD
LG