amalinks wokungena

Abantu Abazonde Okumangalisayo Emfeni Batshaya Umculi Olodumo uJah Prayzah

  • Gibbs Dube

Jah Prayzah

Umculi olodumo uJah Prayzah utshaywe ngabantu emfeni ngoLwesibili eHarare lapho obekungcwatshwa khona omunye wakhe, uCrispen Nyemba, obhubhe engozini yomgwaqo kunsukwana ezedluleyo.

Okuphume ebulenjni bokuzilibazisa obeFacebook, Twitter kanye lomabonakude weYou Tube kuveza ukuba uPrayzah utshaywe ngamatshe lezigodo esanda kufika lapho obekungcwatshwa khona uNyemba.

Ubonakale egijima evikelwa ngabanye abehamba labo kuthi abaphose amatshe lezigodo bazwakale besithi uPrayzah kancedisanga ekungcwatshweni kukaNyamba.

Ubaleke wangena emoteni engasiyo yakhe elokhe ephoselwa amatshe lokunye okulimazayo.

Akwaziwa ukuthi kuphethe ngani ngoba abantu abagijimisana laye batshiye umncwabo bamxotshana.

Kenelenisanga ukukhuluma loPrayzah labantu abamtshayileyo abazwakale befunga ukuthi bazamsusela amanqe.

Kucatshangelwa ukuthi abanye abamtshayileyo bakucele lebandla leZanu PF elisekela uNkosikazi Grace Mugabe ukuthi athathe isikhundla sikaMongameli Robert Mugabe.

Icele leli libikiwa ukuthi ngelibizwa ngokuthi yiGeneration 40 elwisana leTeam Lacoste okucatshangelwa ukuthi isekela uMnu. Emmerson Mnangagwa, umsekeli kaMugabe, ukuthi athathe isikhundla sikamongameli engasuka kuso.

Kasenelisanga ukukhuluma leziphathamandla zebandla leZanu PF. Ibandla leli lijayele ukutshaya umculo kaJahprazah emhlanganweni yeYouth League Interface Rally.

Facebook Forum

XS
SM
MD
LG