amalinks wokungena

Breaking News

Kutshiswa Imota Yebandla leMDC-T


Okwenzakala eKuwadzaba ngoLwesithathu.

Imota yebandla le Movement for Democratic Change (MDC-T) elikhokhelwa nguMnu. Morgan Tsvangirai itshiswe ngoLwesithathu ntambama ngabantu abangaziwayo elokitshini leKuwadzana eHarare kulandela ukutshengisela kwabasakhulayo bebandla leli abafuna ukuthi iZimbabwe Electoral Commission (ZEC) iqhube ukhetho oluzayo ngemfanelo.

UMnu. Nelson Chamisa, omele indawo yeKuwadzana East kudale lephalamende njalo ongumsekeli kamongameli weMDC-T, uthi isenzo lesi siveza ukuthi kulabantu abafuna ukwenza udlakela ngesikhathi eleZimbabwe lilungiselela ukhetho oluzakwenziwa ngomnyaka ozayo.

Kasenelisinga ukukhuluma ngodaba lolu lamapholisa abikwa ukuthi abophe abatsha abahlanu okungakaziwa ukuba bazahanjiswa nini emthethwandaba.

Ibandla leMDC-T lithi akukhanyi okwenziwa yiZEC elungiselela ukhetho oluqakathekileyo oluzakwenziwa ngomnyaka ozayo.

Lithi iZEC kubonakala engani ifuna ukulobisa abantu abasekela ibandla leZanu Pf kugwalo lokuvota olwe voters’ roll.

Facebook Forum

XS
SM
MD
LG