Umzimba kamufi obengumhlabeleli olodumo uMgcini Calvin Nhliziyo obhubhe ngeviki edluleyo ngemva kokutshaywa yimota ubhoda-bhodisiwe ngoMgqibelo edolobheni lakoBulawayo lalapho akhulela khona eLuveve ukuze abantu bemvalelise phambilini kokubekwa kwakhe ngeSonto emathuneni eLady Stanley Cemetery.
Kwakhiwe indawo emavinkilini eLuveve lapho umufi ayekwejisa khona, abahlabeleli abehlukeneyo, ikakhulu abalengoma ezihambelana lezakhe, bacula ngendlela yokumvalelisa.
Lokhu kuvezwe ngumsakazi uEzra Tshisa Sibanda, okukhomithi eqoqa okuphathelane laloludaba.
Kukhangelelwe ukuthi kube lenkonzo eBulawayo Ampitheatre ngeSonto ngehola lesitshiyalolunye ekuseni u nine o’clock andubana ayengcwatshwa.
UMnu. Sibanda uthi umuyi uSibonisiwe Sithole oweqembu le Iyasa, obhubhe ngoLwesine, ungcwatshwe ngoMqibelo emathuneni eAthlone koBulawayo. Munye ngamunye umhlabeleli utshiya umntwana oyedwa osakhulayo.