amalinks wokungena

Breaking News

Kuvalwa Ngci Amadolobho eZimbabwe Abantu Kumele Batshengisele Emigwaqweni


Day of Anti-Corruption Demos - July 31st, Gwanda
Day of Anti-Corruption Demos - July 31st, Gwanda

Bekuvalwe ngci emadolobheni ngoLwesihlanu obekulamasotsha lamapholisa avimbe emigwaqweni esenzela ukuthi abantu bengatshengiseli besola ubukhohlakali lokunye okubahluphayo.

Intathelizindaba zomsakazo weStudio 7 zibika ukuthi bekubalwe izitolo, amabhizimusi lezinye indawo ngesikhathi kumele uzulu atshengisele emigwaqweni eHarare, koBulawayo, eGweru lezinye indawo.

Abadabuka eZimbabwe abahlala kwamanye amazwe batshengisele ezigodlweni zelizwe leZimbabwe eBhilithane lakwele South Africa besola ubukhohlakali, ukugugudeka komnotho, ukwephulwa kwelungelo likazulu lokunye.

Abaqoqi bomkhankaso lo obizwa ngokuthi yi31st July Movement bathi uphumelele okwamagama nxa kukhangelwa ukwenza kwabezomvikela emadolobheni ilizwe lonke jikelele lapho abakade bevimba uzulu ukuba angangeni emadolobheni.

Ukutshengisela obekuhlelelwe ukuba khona lamhlanje kuguquke kwaba yikutshengila kokuhlala emakhaya ngemva kokwethuselwa ngamapholisa labebutho. Amabhizimusi amanengi abevaliwe, lokuthengiselana bekwehlile kakhulu koBulawayo.

UMnu. Kelvin Maphosa, ohlala koBulawayo, uthi wesabe ukuwelwa yingozi kungakho ehlezi endlini.

“IDemo ibi right ukuthi yenzakale ngoba yiyo indlela eyodwa esingayikwanisa njengabahlali beZimbabwe sitshengisele ukuhlupheka kwethu, sithumele umlayezo kubaphathi belizwe ukuthi lapha esihlala khona ama conditions awakho right. Mina okungenze ngahlala endlini yikuthi ngesaba ukuhlukulezwa ngamapholisa lama sotsha lapha emgwaqeni ngoba sungatshaywa ufe.”

UMnu. Makheli Thamsanqa Ndiweni, umkhokheli weMahlabezulu Movement lamaNdebele kaMzilikazi Pressure Group, uthi abantu bengavumi ukusetshenziswa.

“Lamuhlanje bekumele kube le-demo lapha kwele Zimbabwe esinanzelele ukuthi abantu abanengi abasaphathekanga kuyo. Mina engingakutsho yikuthi akulanto embi ngedemo. Kanti-ke thina sonke siyafisa ukuthi alubana ibandla leZANU PF liyaphuma. Kodwa ama-demo la kawangasebenzisi abantu bakithi. Sibonile ngoNovember 2017, abantu bakithi besetshenziswa. Owa announcer icoup ngumuntu weMthwakazi, owaxotsha umuntu lomabisa abantu ngoweMthakazi. So, idemo kakube yikuthi abantu sebebonile ukuthi kubi hatshi ukuthi si-sanitizer iZANU PF.”

UMnu. Effort Ncube, unobhala weNational Consumers Rights Association, uthi abantu kabangakhali ngemali abangabe beyilahlekelwe ngoLwesihlanu ngoba amabhizimusi evalile kodwa kabalwise inkohlakalo eyenziwa nguhulumende.

Unobhala kugatsha lukahulumende lwezokukhitshwa kwemibiko, uMnu. Nick Mangwana, ulobe enkundleni yokuxhumana eyebulenjini eyeTwitter esithi ukutshengisela obekuqoqwe ngoLwesihlanu akuphumelelanga ngoba endaweni ezehlukeneyo zelizwe bekulokuthula.

Uthe njalo kwezinye indawo bekubonakala amapholisa angahlomanga ebhodabhoda elondoloza ukuthula kodwa izitolo ezimbalwa zivalile.

XS
SM
MD
LG