amalinks wokungena

Breaking News

Kuvalwa Isikolo Sabongi eseBrunapeg Mission Hospital


St Anne's Brunapeg Mission Hospital

Abebandla leZAPU lezakhamizi zeBrunapeg bavale isikolo esifundisa abongi esibedlela seBrunapeg Mission Hospital kulandela ukungathathwa kwezizalwane zemhlubulweni wemaNdebeleni esikolo lesi.

Isakhamuzi seBrunapeg, uMnu Andrew Dube uthi abantwana besigaba bayabandlululwa esikolo seBrunapeg Mission Hospital.

UNkosikazi Amelia Nkomo uvumelane loDube ethi uma kusehlula kungangcono isikolo lesi sivalwe.

UNkosikazi Agnetta Sibanda uthi bonke abantwana besigaba ababhalela ukudinga ukufundela ukuba ngomongi bavalelwe phandle.

UMfundisi Hlakanipha Mbongolwane oweBrunapeg Mission Hospital uthi uhlelo lokubhalela ukudinga indawo ebulenjini luhle sibili kodwa akumelanga luvalele abesigaba phandle.

UMongikazi ongazivezanga ibizo lakhe uchaze ukuba bona abalamandla okukhetha abafundi kwenziwa yimitshina eHarare.

Umngcinisihlalo weZAPU eMatabeleland, uMnu. Mathew Sibanda uthi kungangono isikolo sivalwe ngoba abokuza akumelanga kube yibobodwa abafunda eBrunapeg.

UNkosikazi Jane Mlalazi umcginisihlalo wabomama kuZAPU uthi ubuhlungu ngokuvalelwa kwabantwana basigaba esikolo.

Inengi labafundi abangatholanga indawo yokufunda esibhedlela seBrunapeg Mission Hospital bachaze ukuba babuhlungu ngokuvalelwa phandle esigabeni sabo kuthi abantu bokuza kube yibo abathola amathuba.

Izakhamizi zeBrunapeg zikhala ngohlelo lwebulenjini lokudinga indawo ezikolo zikahulumende zisithi ayisebenzi esigabeni sabo ngoba amagagasi ebulenjini awabambi njalo lamandla kagesti abalawo.

Abasakhulayo besigaba bacele ukuba uhulumende alungisise udubo lokubavalela phandle ngoba ngoZibandlela kungaba labantu bokuza bazabaxotsha esibhedlela.

please wait

No media source currently available

0:00 0:06:50 0:00

Facebook Forum

XS
SM
MD
LG