amalinks wokungena

Breaking News

KuWoza Friday Liviki "Bulawayo Comes Alive"


Bulawayo Concert
KuWoza Friday limpelasonto akubizwa ozayo koBulawayo eMasina Sports Bar eLuveve lapho okubuthene khona abaculi bako Bulawayo abedlula amatshumi amahlanu emkhosini we ‘Bulawayo Comes Alive Festival.”

Oqoqa lumkhosi uMnumnzana Jeys Marabini utshele uBenedict Nhlapho weStudio 7 ukuthi kuleli gigi elihlose ukuvuselela ezomculo koBulawayo, kuyagidwa, kuculwe, kujatshulwe lize liyephuma elangoMgqibelo.

Kuleli gigi kuhlangene inhlobonhlobo yonke yabaculi abavela kuzo zonke izabelo zeMandebeleni ngenhloso yokuzovuselela ezomculo lamasiko koNdongaziwelene.
Oqoqe lumkhosi obuye njalo abe ngumculi odume ngelithi Jeys Marabini uthi, abaculi bebe sebekhona ngoLwesihlanu njalo sebelungele ukukokotsha kuze kuse.

Uthi okubathokozisayo yikuthi abangenelisanga ukuza kuleli gigi bazazibonela ukudla kwamehlo besezindlini njengoba konke okwenzakalayo kuphuma kumabonakude we-ZTV. Ezokuphepha lazo uthi ziqine kakhulu njengoba amapholisa encedisana labomantshingelani ukulondoloza ukuthula.

Kuleli gigi kuqhunswa imbube, ezokholo ezerhumba layo yonke imidumo eculwa ezimbabawe.

Imbongi enkulu yakoBulawayo uDesire Moyo, insizwa edabuka koSkhobokhobo eNkayi laye ugiya inkondlo zakhe kulo umcimbi.

please wait

No media source currently available

0:00 0:07:23 0:00
Lapho esitholakala khona
XS
SM
MD
LG