amalinks wokungena

Breaking News

KuWoza Friday Silomculi Osedume Ezansi yeAfrica uBekezela Nkomo


Umculi uBekezela Nkomo

Ngemva kokuhlupheka ukuthi aqede izifundo zakhe, njalo ezithola eseGoli esemba igolide ukuthi aziphilise, uBekezela Nkomo, uzithola esengomunye wabaculi abalodumo emazweni ambalwa angezansi kwezwekazi leAfrica.

UBekezela wazalelwa eMatshetsheni wakhulela eWilonki, duzane leGwanda. Noma nje engafisi ukuqamba iminyaka yakhe, uthi wazalwa ngabo 1980s njalo wakhula kungelula ngemva kokwehlukana kwabazali bakhe, wondliwa ngugogo.

“Ngingumntaka Nkomo ngiphuma eGwanda eMatshatsheni kodwa angikhulelanga khona, ngakhulela eWilonki, yikho lapho okwaqala khona okomculo ngoba ugogo wayengumuntu wesonto.”

UNkomo wasuka wayafunda koBulawayo, lapho angena eHlathi High School kodwa uthi ngendaba zemali, akasaphutshanga kuhle wasuka wasesiya kwenza izifundo zomculo eMakhosi Arts Theatre ngaphansi kukaConti Mhlanga, yena odume kakhulu ngokubumba amatalente kwezomculo kanye lemidlalo yasestejini leyokulingisa.

Umculi uBekezela Nkomo
Umculi uBekezela Nkomo

Kodwa ngenxa yomumo womnotho eZimbabwe ongamanga kahle ngesikhathi eqeda izifundo zakhe eMakhosi ngo2008, uNkomo walandela inengi walubhekisa eGoli, ukuthi laye ayethola okungamphilisa.

“Akuzange kubelula, ngazithola ukuthi kumele ngiphile, ngigezisa izimota njalo ngisemba emgodini.”

UNkomo uthi kwathi ngelinye ilanga esemba igolide eGoli, kwafika ingoma, wazibona esebeke phansi ifotsholo eseyicula.

“Uma kuhleliwe ukuthi unguBekezela uzoba nguBekezela. Ngathi ngisemba emgodini eSandton, kwafika eyinye ingoma ekhanda, ngabeka ipiki phansi ngayi recorder efonini. Kwakulesithandwa engangisikhumbula, ngasengisithi, Bekezela, ngilinde ntombi yami, ngiyabuya dali.”

Umculi uBekezela Nkomo
Umculi uBekezela Nkomo

Uqhubeke ethi bancindezela idlalade uBekezela ngomnyaka ka 2011, kodwa noma nje yaba lodumo, akuzange kube lula. Uthi wacina ebeka phansi ikatali wayadinga umsebenzi endaweni yokudlela esebenza ngenjo weta. Uthi kwelinye ilanga kwangena ucingo olwaguqula impilo yakhe…

“Ngelinye ilanga kwangena ucingo, ngilele ngikhathele, Umuntu athi mfowethu ngizwe ingoma yakho. Ngathi hawu, angithi vele abantu bahlala besizwa ingoma yami. Wathi yimi umaneja kaNathi, ngahle ngeqa ngavuka ngahlala, ngathi nanko ke!”

Uthi lokhu kwaba yikuguquka kwempilo yakhe wanikezwa imali kanye konke okuswelakalayo ukuthi ancidezele idlalade lakhe, lapho afaka khona ingoma uBekezela. Umculo wakhe, owe Afro Jazz, uthakazelelwa linengi, njalo ukubaculi abahlanu abaphezulu okwamanje kulolu luhlangothi eSouth Africa.

Bekezela Nkomo.
Bekezela Nkomo.

Njenge nsizwa esemehlweni abanengi, uBekezela uyawubalekela umbuzo wokuthi kunga usekhona osethethe inhliziyo yakhe.

“Ha (ehleka) ngicela siyitshiye leyo.”

Okwakhethesi kukhanya, sekuvuke inqungqulu kwezomculo ephuma kweleMandebeleni, esanda kutshiya abathandi bomculo wakhe kweleBotswana bekhala ngo ‘Bekezela’, owatshiya inengi likhathele.

please wait

No media source currently available

0:00 0:07:06 0:00

Facebook Forum

XS
SM
MD
LG