UMongameli Emmerson Mnangagwa usesuse uMnu. Joram Gumbo esikhundleni somphathintambo kahulumende obona ngamafutha atshiyeneyo kanye lomlilo kagetsi.
UMnangagwa, owethule umbiko lo izolo kusihlwa, uthe uGumbo usezasebenza ewofisini yakhe.
Isikhundla sakhe sesithethwe nguMnu. Fortune Chasi obengumsekeli womphathintambo wezokuthuthukisa izakhiwo.
Ababona ngokwenzakalayo bathi uGumbo ususelwe ukuthi uyehluleka ukuphatha kahle uhlupho lokusilela kwamafutha ezimota eZimbabwe.
Kasenelisanga ukukhuluma ngodaba lolu loGumbo kanye loMnu. George Charamba, isikhulumeli sika Mnangagwa.
Ukuze sihlaziye udaba lolu, sixoxe loMnu. Mqondobanzi Magonya, ingcwethi kwezombusazwe, othi kusobala ukuthi uGumbo ususwe esikhundleni lesi ngenxa yokwehluleka ukuqhuba umsebenzi lobanje uhulumende kaMnangagwa edonsa nzima kwezokubusa ilizwe.
