amalinks wokungena

Breaking News

AbeZimbabwe Balemibono Ehlukileyo Ngokubuyela Kumanyano weCommonwealth


I Zimbabwe yaphuma kumanyano owe Commonwealth ngomnyaka ka 2003 isesephansi kombuso kowayengumongameli Robert Mugabe sokuqhamuke ingxabano leleBhilithani ngokuhlukuluzwa kwabamhlophe ababe sebekhitshwa emaphulazini ngodlame. Inengi labantu lamukela ngemibono ehlukeneyo ukubuyela kweZimbabwe kumanyano lo, oweCommonwealth.

UDr Sheperd Mpofu ingcwethi ecubungula ezombusazwe engumqeqeshi njalo ekholitshini leLimpopo University kwele South Africa yena uthi kulokuhle kube lokubi kokubuyela kulumanyano. Okuhle kugoqela ukuthola amathuba okuyafundela imisebenzi emakholitshini akweleNgilande lakwamanye amazwe afana laboCanada laboAustralia abakumanyano munye.

“Siyananzelela njalo ukuthi njengoba ngalezi nsuku sesiphila emhlabeni osuhlanganiswa lula yibulembu abakuthi ngesilungu yiGlobal Village, eleZimbabwe liyathola ithuba njalo lokuvuselela ubudlelwano obuhle hatshi kwezombusazwe kuphela lamanye amazwe akulumanyano, kodwa lokudlelana kwezemidlalo lamasiko, ngokuvunyelwa ukuphindela emcintisweni owe Commonwealth Games”

Kodwa waphanga wathi ukubuyela kulumanyano kudala obunye ubunzima bokuthi kwenza eleZimbabwe lingelihlala likhangezile ngaso sonke isikhathi licela emazweni athuthukileyo okuzakwenza elalo ilizwi lingazwakali kulumanyano kulandelwa izifiso zamazwe ale mali kuphela. UMpofu ethi leli lizwe nxa liphethwe kuhle akudingeki ukuthi libe ngelicelayo mihla ngemihla ngoba linothe okwamagama ngezemvelo lemigodi embiwa amatshe aligugu.

Udaba lokubuyela kweZimbabwe kuCommonwealth
please wait

No media source currently available

0:00 0:04:33 0:00
XS
SM
MD
LG