Ukuyekethiswa kwemigoqo yokwenqabela umkhuhlane weCovid-19 sokubangele ukuthi amabandla ezombusazwe aqinise imikhankaso yawo yokudinga usekelo phambilini kokhetho lwamaby-elections oluzaqhutshwa mhlaka 26 ngenyanga ezayo.
Amabandla la asehle ekhankasela njalo ukhetho lwelizwe lonke oluzakwenziwa ngomnyaka ozayo lapho okuzavotelwa khona uMongameli welizwe, amalunga ephalamende kanye lamakhansila.
Umsekeli wesikhulumeli sebandla likaMnu Nelson Chamisa eleCitizens Coalition for Change (CCC) uMnu Felix Magalela Mafa Sibanda utshele iStudio 7 ukuthi abala kuthandabuza ukuthi bazanqoba ngoba bethola usekelo olunengi.
Kodwa ilunga leZanu PF uMnu Joseph Tshuma uthe uChamisa lebandla lakhe bayazikhohlisa ngoba ubufakazi obukhona bukhomba ukuthi ibandla elibusayo yilo elihlala linqoba kumaby-elections.
Ukuhlaziya loludaba sixoxe lengcwethi kwezombusazwe uMnu Ambrose Sibindi ukhuthaze abakhankasayo laba ukuthi benze lokho ngokuthula kungela dlakela kumbe ukwethuselana.