amalinks wokungena

Breaking News

Kuyaqhubeka Ukudonselana KuApex Council


Nicholas Goche
Ukudonselana phakathi kwenhlanganiso ezimela izisebenzi ezingamalunga eApex Council kuphume sobala ngoLwesibili emhlanganweni obuphakathi kweCouncil le lomphathintambo obona ngendaba zezisebenzi zikahulumende uMnu Nicholas Goche.

Inhlanganizo lezi zilwisana phezu kobukhekheli beApex Council kanye lakudaba lokuthi ngubani omele amele izisebenzi kunkulumo lohulumende ngodaba lweholo.

Ukungavumelani lokhu kubangele ukuthi uGoche asuke emhlanganweni lo kungelalutho olulomnkantsho olukhulunyiweyo walaya njalo inhlanganiso lezi ukuthi zikhulumisane zivumelane andubana zihlangane laye njalo ngoMvulo.

Inhlanganiso lezi zizahlangana ngoLwesihlanu zikhethe iqula elizakhulumisana loGoche kanye lohulumende phezu kodaba lokuthi izisebenzi zengezelelwe iholo.

"Okuzenzakala ngoLwesihlanu yikuthi sizahlangana njengamalunga eApex Council sikhethe abantu abazasimela kunkulumo lohulumende ngodaba lweholo," kutsho isiphathamandla senye yenhlanganizo lezi iZimta uMnu Richard Gundane.
XS
SM
MD
LG