amalinks wokungena

Breaking News

Kuyaqhubeka Ukulwisana Kubandla leMDC-T


Abalwisanayo kuMovement for Democratic Change (MDC-T) inkokheli yamacele womabili, uTendai Biti loMorgan Tsvangirai. (Imifanekiso yeAP Photos/Collage lo Ntungamili Nkomo)
Umgcinisihlalo wedale labacebisi kubandla leMDC-T eleGuardian Council uNkosikazi Sekai Holland ngoLwesibili uhlangane labakhokheli bamacele amabili alwisanayo, abathi uMnu Morgan Tsvangirai loMnu Tendai Biti emizameni yokukhombisa amacele la ukuthi abuyelelane.

UNkosikazi Holland uqale ukuhlangana loTsvangirai wasezohlangana loBiti, yena okhokhela iqembu lalelibandla elizibiza ngokuthi yiRenewal Team.

Kodwa icele likaTsvangirai liphange lethula umbiko kulandela imihlangano le lisithi alifuni kukhulumisana kumbe ukubuyelelana lecele likaBiti ngoba lisebenzelana leZanu PF.

Isikhulumeli salelibandla uMnu Douglas Mwonzora uthi phezu kwalokho, akulamuntu ophe uNkosikazi Holland umlandu wokuzama ukuletha amacele womabili ndawonye.

IStudio 7 ixhume uNkosikazi Holland yena othe idale lakhe liphatheke kabi ngokudabuka phakathi kwebandla leli, njalo uthi abalandeli bathi balo bafuna libuyelelane.

Isiphathamandla secele likaTsvangirai uMnu Abednico Bhebhe ugcizelele amazwi kaMwonzora wathi akulalutho abafuna ukulukhuluma lecele likaBiti ngoba lisebenza leZanu PF.

Kodwa umgcinisihlalo wecele likaBiti eleRenewal Team uMnu Sam Sipepa Nkomo utshele iStudio 7 ukuthi icele likaTsvangirai yilo elidlelana leZanu PF.
XS
SM
MD
LG