amalinks wokungena

Breaking News

Kuqanjulwa i$9.5 Million Kubandla leMDC-T Obekumele Isetshenziswe Emhlanganweni weExtraordinary Congress


UNkosazanaThokozani Khupe, uMnu. Morgan Komichi loMnu. Douglas Mwonzora. (VOA)

Ibandla leMovement for Democratic Change (MDC-T) elikhokhelwa nguNkosazana Thokozani Khupe lithi sokuhuquluzwe imali efika phose izigidi ezilitshumi – ZWL$9.5 million obekumele isetshenziswe ukugadisa abantu amabhasi abahambise emhlanganweni oweExtraordinary Congress eHarare ngempelaviki.

Umsekeli womgcin’ingcebo webandla leli, uMnu. Chief Ndlovu, uthi unobhala jikelele webandla leli uMnu. Douglas Mwonzora uthethe imali phose yonke ebhanga lebandla ngeviki ephelileyo kodwa lokhu engavezi ukuthi wayisangaphi.

“Sengithole imilayezelo evela endaweni ezinengi abantu besithi kabalamali yokugada amabhasi ukwenzela ukuthi baye emhlanganweni oweExtraordinary Congress … Ngifisa ukulibikela ukuthi kungamanga ukuthi kasifuni ukulinika imali yokuhamba emhlanganweni. Iqiniso yikuthi lathi sikhonapha sithithibele ngoba unobhala jikelele wathatha imali mhlaka 18 Mpalakazi wazithulela. Lokhu kutsho ukuthi kasenelisi ukulihlawulela imali yokugada amabhasi ngoba imali esele ebhanga ifika ZWL$500,000 kuphela.

““Angikwazi ukuthi imali ayithathayo wayinika bani kumbe osokwenzakale ngemali le. Sabikela iStanding Committee ngokuthathwa kwemali le ngosuku lolu. Unobhala jikelele wenza engani akusilutho loludaba. Kasikayitholi imali le kuze kube namuhlanje. Sokusele imali encane kakhulu esikhwameni sebanga lethu.”

UNdlovu uthi kavumelanga uMwonzora ukuba athathe imali ebhanga.

Kasenelisanga ukukhuluma loMwonzora obengaphenduli umakhalekhukhwini wakhe. Kwehlule njalo ukuthi sikhulume loMnu. Khaliphani Pugeni, isikhulumeli sika Nkosazana Khupe.

Facebook Forum

XS
SM
MD
LG