amalinks wokungena

Breaking News

Kwengezelelwa Amaqembu Azahlaba Abantu Ijekiseni Yokwenqabela iCoronavirus eyeVaccine koBulawayo


Umuthi wokwenqabela iCOVID19

Umqondisi wezempilakahle kukhansili yakoBulawayo udokotela Edwin Sibanda utshele uStudio 7 ukuba sebebumbe elinye iqembu lesihlanu elihamba libhoda lincedisa ukuhlaba izisebenzi koBulawayo ezingathola igcikwane lula ngenxa yemisebenzi yazo.

Ikhansili yako Bulawayo ithi kulabantu abalutshwane asebehlabe iiekiseni yomuthi weSinopharm vaccine, njalo okwakhathesi bakumatshumi amathathu lambili ekhulwini (32%) okulinani lalabo asebehlabile liqathaniswa labalikhangeleleyo.

Uhlelo lolu lungene kulanga lesihlanu ngoLwesihlanu njalo babikwa balutshwane abalwamukelayo.

Umqondisi wezempilakahle kukhansili yakoBulawayo udokotela Edwin Sibanda utshele uStudio 7 ukuba kusukela ngoMvulo kuze kuyefika ngoLwesine besekuhlatshwe izisebenzi zempilakahle ezifika phose inkulungwane (998).

Uthe sebebumbe elinye iqembu lesihlanu elihamba libhoda lincedisa ukuhlaba izisebenzi koBulawayo ezingathola igcikwane lula ngenxa yemisebenzi yazo.

Ingcwethi kwezempilakahle sezithe ijekiseni leyi eyokuzikivela kumkhuhlane weCOVID19 njengeminye yonke imithi ilakho ukulethela abantu ezinye izinyalo ezibalisa ubuhlungu lapho umuntu ahlatshwe khona, ukutshwaywa likhanda, uqhuqho kumbe ukugijinyiswa yisisu kodwa labo asebehlabile koBulawayo bathi abakaziboni lezi izibonakaliso.

please wait

No media source currently available

0:00 0:03:52 0:00


Facebook Forum

XS
SM
MD
LG