amalinks wokungena

Breaking News

Kwenziwa Umbukiso Omkhulu Wezokwethekelela Ezemvelo eZimbabwe


Okunye okusembukisweni wezemvelo koBulawayo.

Annastacia Ndlovu

Amankampani adlula amakhulu amathathu lamatshumi amabili – 325 – asembukisweni weHlanganani-Sanganai Tourism Expo owenzelwa koBulawayo emagcekeni awe Zimbabwe International Trade Fair koBulawayo.

Umsekeli kamongameli uRetired General Constantino Chiwenga usemagcekeni aweZITF.
Umsekeli kamongameli uRetired General Constantino Chiwenga usemagcekeni aweZITF.

Kulankampani angamatshumi ayisikhombisa lesikhombisa – 77 – alempahla etshiyeneyo embukisweni lo owenziwa minyaka yonke.

Umbukiso lo uvulwe okusemthethweni ngoLwesine ngumsekeli kamongameli, uRetired General Constantino Chiwenga, okhuthaze abantu ukuthi basebenze kakhulu ukwenzela ukuthuthukisa ilizwe leZimbabwe.

Osomabhizimusi ababukisayo bayajabula ngebhizimusi abalithole lamhlanje. Lokhu kugoqela njalo amakhansili anjenge dolobho lakoBulawayo.

Banengi abantu ababukisa okutshiyeneyo lonyaka
Banengi abantu ababukisa okutshiyeneyo lonyaka

Isikhulumeli sedolobho leli, uNkosikazi Nesisa Mpofu, uthi, “Silapha ukuzobukisa imvelo kaBulawayo njalo bakhona abantu esisebenza labo ekubukiseni imbali lemvelo yethu ababalisa uMnu. Phathisa Nyathi isazi sembali.”

UNkosikazi Sukoluhle Nkomo oweMatilinda Lodge uthi ulethemba lokuthi bazasuthiseka ngabakwenzayo embukisweni lo.

“Lamhlanje ibhizimusi liphansi ngoba lilanga lokuqala kodwa sikhangelele ukuba lalo kungeza amaInternational buyers.”

Kuhle okumangalisayo okubukiswa eZITF.
Kuhle okumangalisayo okubukiswa eZITF.

UMnu. Zondani Phiri, omunye wababukisa umsebenzi wezandla wezokubumba, uthi ngokwakuqala ukungena kulo umbukiso.

“Siyaqala ukubukisa lapha, kodwa sikhangelele ukuba lebhizimusi njalo silapha sibukisa imisebenzi yethu yezandla.”

Abesigaba seMpumalanga kwele South Africa bayabukisa imvelo yabo. uMnu. Nkululeko Ndlovu uthi konke kuhamba kahle njalo abaqali ukuzobukisa.

Umbukiso walonyaka
Umbukiso walonyaka

“Umbukiso uhamba kahle lamhlanje njalo asiqali ukuzobukisa lapha. Size lapha ukuzobukisa imvelo yethu njalo sesithe sathola ibhizimusi.”

Umbukiso weHlanganani/Sanganai walonyaka uqhutshwa ngaphansi kwesihloko esithi ‘Africa's Premier Business Exchange’.

Uqoqwe yinkampani kahulumende eyeZimbabwe Tourism Authority ngaphansi kogatsha lwezokwethekelelwa kwelizwe.

Udaba Esilethulelwe NguAnnastacia Ndlovu
please wait

No media source currently available

0:00 0:03:34 0:00

Facebook Forum

XS
SM
MD
LG