amalinks wokungena

Kwesatshelwa Ukudonselana Amandla Kubandla LeMDC-T UTsvangirai Engasuka

  • Chris Gande

UMongameli Emmerson Mnangagwa uhlangana loMnu. Morgan Tsvangirai endlini kaTsvangirai ogulayo.

Sokwesatshelwa ukuthi kungaqhamuka ukudonselana amandla kubandla leMDC-T kulandela imbiko kamkhokheli walelibandla, uMnu. Morgan Tsvangirai othi ulakho ukutshiya isikhundla sakhe aphumule ngoba elwisana lomkhuhlane wemvukuzane.

UTsvangirai wethule imbiko ethi umkhokheli woqobo kakhangeli ukhetho oluzayo kodwa isizukulwane yikho wakhetha abasekeli abathathu ukuthi babambisane.

Wengezelele esithi sekuyisikhathi sokuthi amakhehla atshiyele ubukhokheli kwabasakhulayo.

UTsvangirai osuke ngeSonto elizweni esiyakwelatshwa kwele South Africa uthi abakhokheli kumele bakhethwe nguzulu.

UTsvangirai utshiye ekhethe uMnu. Elias Mudzuri ukuthi asale ekhokhela lelibandla.

Abazi ngokwenzakala kulelibandla bathi sekulamaxuku asekela abasekeli baka Tsvangirai, uMudzuri, uMnu. Nelson Chamisa loNkosazana Thokozani Khuphe onguye yedwa owakhethwa ngabantu emhlanganweni we congress.

Kodwa abanye bathi bafuna uChamisa ngoba nguye osakhulayo okhanya ekhaliphile kodwa abanye njalo bathi bafuna uMudzuri ngoba walwa impi yenkululeko.

Sixoxe lomgcinisihlalo we eMDC-T esigabeni se North America, uMnu. Den Moyo ukuze sizwe imbono yakhe ngaloludaba.

Facebook Forum

XS
SM
MD
LG