Ugatsha lwezempilakahle luthi kubhubhe abathathu ngeCovid-19 eZimbabwe ngoLwesine njalo kwatholakala abangamatshumi amabili lanhlanu, 25, belomkhuhlane lo.
Ababili babantu laba ngabavele kweleIndia njalo kunakanelwa ukuthi bawuthelele abanye abayisikhombisa.
Lokhu sokudale ukwesaba okukhulu elizweni abezempilakahle besithi umkhakha weCovid-19 okweleIndia, wona okhanya umemetheka ngamandla njalo ubulala abantu abanengi kulelolizwe ungaba usukhona eZimbabwe.
Asebefunyelwe beleCoronavirus kusukela nyakenye sebefike kunkulungwane phose ezingamatshumi amane, 38,491 kuthi asebebhubhile sebefike kunkulungane elamakhulu phose ayisithupha, 1,582.
Inani lasebehlatshwe ijekiseni yakuqala yokwenqabela lumkhuhlane selisedlula ingxenye yesigidi, 559, 875 kuti asebehlatshwe eyesibili sebefika phose kunkulungwane ezimbili, 192,145.
Isiphathamandla senhlanganiso yeCitizens Covid-19 Monitor uMnu Effie Dlela Ncube utshele iStudio 7 ukuthi uhulumende kumele aphandle adingisise ukuthi ungaba usukhona na umkhakha weIndia eZimbabwe.
Facebook Forum