Kweziphathelane lokwenzakala kweleMelika; Abatshutshisi bathi bakhangelele ukuthi kubotshwe abanye njalo abantu abedlula ikhulu abaphatheka kungxabangxoza eyaqhamuka kusakhiwo se U.S. capitol ekuqaleni kukaZibandlela, abasekeli bakaMnu. Donald Trump owayengumongameli besola ukuthi waqilibezelwa kukhetho.
Lokhu kuvezwe ngemva kokubotshwa kwabeqembu elazakala ngokuthi yi Oath Keepers abaphatheka kulingxabangxoza, ngokungena kuleso isakhiwo ngokungekho emthethweni.
Kutsho ukuthi inani labazathoniswa kuloludaba lizakwedlula amakhulu amane, 400.
Abanye, ababonakala emifanekisweni, kumabonakude, lakwezinye inkundla zebulenjini bebangela udlakela, kumbe bengena kulesi isakhiwo ngokungekho emthethweni, beokhe bedingwa ngamapholisa ohlobo lwe Federal Bureau of Investigation (FBI).