amalinks wokungena

Breaking News

KwezeMelika: Kunanzwa Imisebenzi Yabantu Abansundu Emkhosini weTrumpet Awards


FILE - Rapper Clifford Harris Jr., better known as T.I., is pictured in Atlanta, Sept. 14, 2018.
FILE - Rapper Clifford Harris Jr., better known as T.I., is pictured in Atlanta, Sept. 14, 2018.

Umcimbi lo wenziwa minyaka yonke njalo abanye abake bahlonitshwa ngabadume ngemisebenzi emihle etshiyeneyo. Babalisa uMohammad Ali, Maya Angelou, Ray Charles, Nelson Mandela, Beyoncé, Archbishop Desmond Tutu, Stevie Wonder labanye.

EleMelika liqhube umkhosi wokunanza imisebenzi yabansundu bakulelolizwe amaAfrican Americans, obizwa ngokuthi yi 2019 Trumpet Awards, eCobb Energy Performing Arts Centre edolobheni leAtlanta ngeSonto ebusuku, kodwa kungoMvulo ekuseni ngesikhathi seZimbabwe.

Abanye abathethe izicoco kulumkhosi ngumculo wohlobo lwe rap music ngu T.I. loMc Lyte, umlingisi uRobert Townsend, kanye osakhulayo lohlabelayo u JD Mccrary. Kucule abaziwayo abagoqela uAshanti, India Arie, Lil’ Mama, Keyshie Kole labanye.

Umkhosi lo, ubuholwa ngumhlabeleli uTank kanye lomlingisi uWendy Raquel Robinson. Kuhlonitshwe abanye abansundu abalodumo abatshona ngomnyaka odluleyo lakuwonalo.

Omunye obekulumkhosi ngumsakazi olodumo uDarian Morgan, owaziwa ngokuthi nguBig Tigger, yena ochasise ngesikhathi sokubukisa impahla lokunye i red carpet, ngokuziqhenya kwabantu abamnyama ngomhlobo wabo, amasiko, kanye lemisebenzi yabo okuthiwa yi “Black Excellence” okuyiyo indikimba yalumkhosi.

please wait

No media source currently available

0:00 0:00:30 0:00

Umcimbi lo wenziwa minyaka yonke njalo abanye abamnyama abake bahlonitshwayo ngemisebenzi emihle etshiyeneyo abagoqela abakwamanye amazwe, babalisa uMohammad Ali, Maya Angelou, Ray Charles, Nelson Mandela, Beyoncé, Archbishop Desmond Tutu, Stevie Wonder, labanye.

XS
SM
MD
LG