'Lanxa uBiden Ekhokhela kumaPolls, Ngibona uTrump Enqoba'

UMongameli weMelika Donald Trump uthi ukutshaya iCovid-19 indiva akwenza ngesikhathi lumkhuhlane usanda kufika kwakuyindlela yakhe yokuzama ukupha abantu isibindi ukuze bengaphaphatheki lanxa wayekwazi ukuthi uyingozi.

UTrump wayehlala esethula amazwi okuthi umkhuhlane lo ufana nje lokukhwehlela okuvamileyo, i-flu, njalo abantu abanengi abafi ngawo.

Wayethembisa uzulu wemelika njalo ukuthi uzaphanga unyamalale lumkhuhlane, lanxa nje ulokhe ukhona njalo usubulele inkulungwane zabantu.

Umlobi olodumo uMnu Bob Woodward nguye oqale ukuveza kugwalo lwakhe olutsha asanda kululoba ukuthi uMongameli Trump wavuma kungxoxo ayenza laye ukuthi ngempela wawutshaya indiva lumkhuhlane.

Ukuvela kwalimbiko kusetshenziswe ngabasekeli bakamMnu Joe Biden ukusola uMongameli Trump besithi nguye owabulalisa abantu abanengi eMelika ngeCovid-19.

Ebuzwa zintathelizindaba izolo, uTrump uthe njengoMongameli wayezaMa ukupha abantu isibindi.

UTrump uzangqikilana loBiden kukhetho oluzakwenziwa mhlaka 3 ngoLwezi.

Intathelizindaba yeZimbabwe esebenza kweleSouth Africa uMnu Simbarashe Nembaware utshele iStudio 7 ukuthi lanxa uMnu Biden ekhokhela kuma-polls, ubona uMongameli Trump enqoba kulolukhetho.

Embed share

Ingxoxo loMnu Simbarashe Nembaware

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:03 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala