Ugatsha lukahulumende olweZimbabwe National Statistics Agency (ZimStats) luthi intengo yezinto ezibalulekileyo empilweni kazulu ezifana lokudla, indleko yezempilakahle lokunye, ikhwele ngesilinganiso sokwedlula okuyisithupha, 6.40, percent nxa ihlangene phakathi kwalinyanga lenyanga edluleyo.
Kumbiko oluwethule ngoLwesithathu, lolugatsha luthe njalo indingeko ezifanayo zikhwele ngesilinganiso sokwedlula ingxenye yekhulu, 54,49 percent, kusukela ngoMfumfu nyakenye kuze kufike linyanga.
Umbiko lo uveza sobala ukuthi impilo iya isiba lukhuni kuzulu lanxa nje uhulumende esithi umnotho uba nganeno, kutsho isiphathamandla senhlanganiso emela abathengi, iNational Consumer Rights Association, uMnu Effie Dlela Ncube.
Umphathintambo wezemali uMnu Mthuli Ncube yena uthi uhulumende wenza konke akwenelisayo ukuvuselela umnotho lokuthuthukisa impilo kazulu.