amalinks wokungena

Breaking News

'Lanxa uMnangagwa Evikelwa Yisisekelo Sombuso, Luyamthinta Udaba Lokubotshiswa Kwakhe'


APTOPIX Zimbabwe Independence Celebrations

Luqhubeka lusegudwini udaba lokuhanjiswa kukaMongameli Emmerson Mnangagwa edale leHigh Court lilunga leZanu PF elithi kumele esuke embusweni ngoba akangenanga kuhle.

Lokhu kuza ngemva kokuba obona ngokuqhutshwa kwenhlelo zalelibandla uMnu Obert Mpofu ephikise loludaba ngoLwesihlanu esithi uMnangagwa ngeke adonselwe enkantolo ngoba evikelwa yisisekelo sombuso welizwe.

Umamangala uMnu Sybeth Musengezi ubophise uMnangagwa leZanu PF esithi umhlangano weCentral Committee yalelibandla owakhetha uMnangagwa ukuthi abe ngumholi weZanu PF ngemva kokugenqulwa kukaRobert Mugabe libutho ngo2017 awenziwanga kulandelwa umthetho.

Ngakho, uthi ubukhokheli bukaMnangagwa labo abukho emthethwni.

Amagqwetha athi lanxa uMnangagwa evikelwa yisisekelo sombuso, udaba lolu luyamthinta ngoba umhlangano ophikiswa nguMusengezi yiwo owamfaka esikhundleni akuso manje.

“Lindaba ibhekane leZanu PF njengeqembu lezombusazwe… kodwa kuzakwenzeka ukuthi nxa inkantolo ingavumelana lomamangala, umuntu ozalahlekelwa yisikhundla nguye uMnangagwa,” kutsho igqwetha uMnu Kudakwashe Hove.

please wait
Embed

No media source currently available

0:00 0:04:19 0:00

Facebook Forum

XS
SM
MD
LG