amalinks wokungena

Breaking News

Lifika Namuhla eZimbabwe Iqula LikaMongameli Ramaphosa


FILE - South Africa's President Cyril Ramaphosa.

Iqula likaMongameli weSouth Africa uMnu Cyril Ramapholisa likhangelelwe ukufika eZimbabwe namuhla lilanda ukuzekhulumisana labamabandla ezombusazwe kanye labenhlanganiso ezizimeleyo ngokuhluphayo elizweni lokuthi kungalungiswa njani.

Umsakazo weSABC ubika ukuba amalunga equla leli agoqela iziphathamandla zebandla elibusayo eleANC, uMnu Tony Yengeni, uMnu Ace Magashule lonNkosazana Lindiwe zulu, yena owaphatheka kunkulumo ezathela uhulumende wenkazatho phakathi kweZanu PF leMDC ngo2009.

Iqula leli lizakhulumisana leZanu PF lamabandla aphikisayo kanye lehlanganiso zikazulu ngokutshiyeneyo okugoqela udaba lokwephulwa kwamalungelo okubikwa kusenziwa nguhulumende kaMongameli Emmerson Mnangagwa.

Uhulumende yena uqina ngokuthi akula hlupho eZimbabwe.

Facebook Forum

XS
SM
MD
LG