Lihloniphe Iziqondiso Zokwenqabela iCovid-19 Ngephasika, Kuxwayisa Amapholisa

Amapholisa asexwayise abantu ukuthi belandele iziqondiso zokwenqabela ukumemetheka kwegciwane leCoronavirus ngokupheleleyo ikakhulu ngekhefu lephasika eliqala namuhla.

Athi abazatholakala besephula iziqondiso lezi, ezigoqela ukugqoka ama-mask lokungabuthani, bazabotshwa.

Embikweni awethulwe izolo, amapholisa aqonqosele njalo abathengisa utshwala ukuthi bengalokothi bevule amabhazimusi abo.

Athe abafunda behlala ezikolo akumelanga baye emakhaya kanti labethekelela ilizwe kumele belandele iziqondiso ezisanda kumenyezelwa nguMongameli Emmerson Mnangagwa.

Umfundisi Anglistone Sibanda utshele iStudio 7 ukuthi uhulumende usalomlandu omkhulu wokufundisa abantu ngalumkhuhlane.

Embed share

Ingxoxo loMnu Anglistone Sibanda

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:08 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Kusenjalo, akekho obulawe yiCovid-19 eZimbabwe izolo kodwa kulabalitshumi lane abatholakale belomkhuhlane lo.

Lokhu kutsho ukuthi asebebhubhile selokhe umkhuhlane lo ufike kulelilizwe nyakenye balokhe besedlula kancane inkulungwane elengxenye, 1,523.

Asebefunyenwe belawo sebezinkulungwane ezingamatshumi phose amane, 36,896.

Inani lasebehlatshwe ijekiseni yakuqala yokuvikela lumkhuhlane likhwele laya ku87,791 ngemva kokuhlatshwa kwabangu10,796 izolo.

Asebehlatshwe eyesibili bakhwele baya ku17,516 ngemva kokuhlatshwa kwabangu2,631.