amalinks wokungena

Breaking News

Lingayitshaphazi Limali, Kutshelwa Ontanga


UMnuzana Patrick Zhuwao

Abasakhulayo abazathola imali phansi kwesikhwama sokuthuthukisa ontanga sebekhuthazwe ukuthi bengayitshaphazi limali; bayisebenzise ngokuhlakanipha.

Isikhwama lesi ngesezigidi ezilitshumi zamadola ($10 million) njalo sethulwe ngoLwesithathu ngumphathintambo wogatsha lwabasakhulayo uMnu Patrick Zhuwao.

Abanengi bathi ngesikhathi ugatsha lolu lukhokhelwa nguMnu Savior Kasukuwere eminyakeni esanda kwedlula, abasakhulayo beZanu PF yibo ekade bephiwa limali kuqala.

Ummeli wePelandaba-Mpopoma edale lephalamende njalo eliunga leZanu PF uMnu Joseph Tshuma abazathola limali kumele bayisebenzise ngobunono obukhulu.

"Ngikhangelele ukuthi ingabuya kuhle limali, bayisebenzise kuhle abasakhulayo bathuthukise amabhizimusi abo akhule," kutsho uTshuma.

"Ungayidli imali oyiphiweyo, yisebenzise kuhle ukukhulisa ibhizimusi lakho."

Kodwa umgcinisihlalo wekhansili yeBinga njalo engoweMDC-T uMnu Dube Mukombwe uthi uyathandabuza ukuthi imali l izaphiwa ontanga kungela kukhethana ngamabandla.

Uthi yena wacela imali phansi kwesikhwama esifanayo ugatsha lwabatsha lusakhokhelwa nguKasukuwere efuna ukwenza iproject yamatemba kodwa wancitshwa.

"Imali le iyahlupha ukuyithola. Iphelela eHarare kuphela; ontanga abahlala kwezinye izigaba zelizwe kabayitholi ngokufaneleyo," kuchaze uMnu Mukombwe.

please wait

No media source currently available

0:00 0:04:22 0:00
Lapho esitholakala khona
XS
SM
MD
LG