amalinks wokungena

Breaking News

Liphuma Lendaba: Utholakala Elokhakhayi Lomuntu


Kuliphuma Lendaba sikhangela umhlola otshiye uzulu weMalopa, ePlumtree ethithibele ngemva kokubana omunye ubaba ethokale elokhakhayi lomuntu.

Isiga lesi siqale ngemva kokuba ubaba lo ehlaselwe ngumdeni wakhe, waze wavuma ukuthi ngempela ugcine amathambo omuntu angaba ephambanisa izinto ngakwakhe.

Wahamba ke lubaba wayaluvumbulula ukhakhayi lolu kwaba ludaba olwaphica izakhamizi, abanye besithi kumele abotshwe atsho ukuthi ngolukabani lolu khakhayi lokuthi waluthola njani.

Kwabizwa ke amapholisa aluhambisa edolobheni lePlumtree lolukhakhayi ukuyakhangelisiwa zingcwethi njalo aphenduke lalo lwangcwatshwa ngeSonto.

Emngcwabeni lo ubaba lo waveza ukuthi ngolomunye umuntu owafa ngesikhathi sempi njalo wahamba wayalahlela umzimba wakhe entabeni encedisana lamanye amadoda amabili, waqamba lamagama awo.

Asenelisanga ukukhulumisana lamapholisa akoMadlambudzi njalo isikhulumeli samapholisa eMatabeleland South uMnu Philisani Ndebele utshele iStudio 7 ukuthi ubengakezwa lutho ngalesi siga.

Sixhume isakhamuzi sakoMadlambudzi uMnu Thamani Ncube yena owake waba ngukhansila walumango.
please wait

No media source currently available

0:00 0:05:55 0:00
Lapho esitholakala khona
XS
SM
MD
LG