amalinks wokungena

Breaking News

Liqale Kuhle Iqembu Lenguqu EleBulawayo Chiefs Kumncintiswano wePSL


Bulawayo Chiefs FC

Iqembu le Bulawayo Chiefs linqobe ele Triangle nge 1 ka nya ngeSonto emdlalweni walo wakuqala oweligi kodwa umqeqetshi walo omutsha oyisizalwane selizwe le Portugal uNilton Terroso uthi alikavuthwa kuhle.

“Kuhle ukuba sinqobile kodwa akumelanga sikhule amakhanda ngoba sesinqobe kanye ngoba kulemidlalo engamatshumi amathathu lantathu esikhona sizayidlala. Kumele siqhube sisebenza kakhulu ukuze sidlale ngendlela esifuna ukudlala ngayo ngoba lokho yikho okuzasiphathisa ukuba sinqobe,” kutsho uTerroso.

Imidlalo ye Castle Lager Premier Soccer League yona ibiqale ngoLwesihlanu lapho iqembu le Herentals elinqobe khona ele Harare City nge 1 ka nya.

NgoMgqibelo bekulemidlalo emihlanu lapho iqembu le FC Platinum elibhaxabile khona ele Tenax nge 6 ka 1, iqembu le ZPC Kariba kanye lele Caps United abe ngutshiki lobhanqa 0 ka 0, iqembu le Black Rhinos litshaye ele Highlanders nge 2 ka 0, iqembu le Ngezi Platinum Stars libhule ele Bulawayo City nge 5 ka nya kuthi ele Chicken Inn linqobe ele Cranborne Bullets nge 1 ka nya.

Umqeqetshi weqembu le Chicken Inn uJoey Antipas uthe ukunqoba kwabo kuzabenza babe lesibindi nxa imidlalo iqhubekela phambili.

“Kuhle ukuthola imiklomelo yonke yomithathu ngosuku lwakuqala njalo kunqoba lokhu kuzakwenza abadlali bethu babelokuzithemba sisiya phambili.

Okunye okungijabulisayo yikuba senelise ukuvikela isango lethu sangahlohlwa. Ngilethemba sizabe silokhu sisiba ngcono ngokuhamba kwemidlalo,” kutsho uAntipas.

Kweminye imidlalo edlalwe ngeSonto iqembu le Dynamos linqobe ele Yadah nge 1 ka nya kuthi ele Manica Diamonds litshaye ele Whawha nge 4 ka nya.

Imidlalo yeligi izadedela eyeqembu elimela ilizwe elama Warriors kumpelaviki ezayo.

Sikhangele umdlalo webhola elokuqaga odlalwa ngabesifazane.

Iqembu elimela ilizwe le Zimbabwe elaziwa ngokuthi ngama Gems lithole isicoco esombala olithusi ngemva kokuphutsha lisendaweni yesithathu kumncintiswano we Debmarine Pent Series oqhutshelwe kwele Namibia ensukwini ezisanda kwedlula.

Iqembu le Uganda yilo elithole imendulo yombala wegolide kuthi ele Malawi lona lithole imendulo yombala we siliva.

Facebook Forum

XS
SM
MD
LG