amalinks wokungena

Breaking News

Iqembu leZimbabwe Emdlalweni weRugby Lilethuba Lokuncintisa kuRugby Africa Gold Cup


Umqeqetshi weqembu labesilisa elimela ele Zimbabwe emdlalweni we-rugby, uPeter de Villiers uveze ithemba lokuba iqembu leli lizasinda ekugunyulweni kumncintiswano we Africa Gold Cup.

Lokhu kwenzakala ngemva kokuba leli qembu lithole umklomelo owodwa emdalwei wangoMgqibelo lidlala lele Namibia.

Iqembu le Zimbabwe lilahlekelwe lithuba elokuyaphatheka emidlalweni yezizwe zomhlaba ezaqhutshelwa kwele Japan ngomnyaka ozayo ngemva kokuba litshaywe nge 28 ka 58 liqembu le Namibia.

Limpumela itshiye iqembu le Zimbabwe selisengozini eyokuphucwa ilungelo elokuncintisa kunkezo ye Gold Cup ngemva kokuba libe ngutshiki lobhanqa emdlalweni owodwa kwathi kweminye emithathu lanqotshwa.

Limpumela itshiye iqembu le Zimbabwe lisendaweni yesihlanu engalaneni yemiklomelo lilemiklomelo emithathu okulinani eliphethwe liqembu leMorocco lona eselidlale imidlalo emithathu kuphela.

Loba kunjalo umqeqetshi weqembu le Zimbabwe uPeter de Villiers uthi umklomelo abawuthole bedlala leqembu leNamibia uzabanceda ukuba bengagunyulwa.

"Ukuthola kwethu umklomelo owodwa kuzasinceda phambili nxa sesidlala ngempelaviki ezayo. Injongo yethu siqala lumkhankaso kwakuyikuyadlala kumidlalo yezizwe zomhlaba kodwa khathesi osekuqakathekile yikuba singagunyulwa kusigaba saphezulu ukuze silungiselele kuhle umnyaka ozayo".

Ngemva kwamaviki amabili iqembu le Zimbabwe lizavakatshela elizweni lase Uganda lapho elizakuyangqikilana leqembu elimela lelolizwe okungumdlalo okumele linqobe kuwo ukuze lithuthukise amathuba alo okuyala lilokhu lidlala kumncintiswano we Gold Cup.
Iqembu elizaphutsha imidlalo liphezu kwengalane lizathola ilungelo elokuyadlala kumidlalo yezizwe zomhlaba ezaqhutshelwa elizweni lase Japan njalo iqembu le Namibia lele Kenya yiwo asesimeni esihle njengoba kuyiwo asenqobe kuyo yonke imidlalo aseyidlalile.

Iqembu elizaphutsha lisendaweni yesibili lona lizaphiwa elinye njalo ithuba elokukhankasela ukuyadlala kumidlalo yezizwe zomhlaba njengoba lizaxhengwa lamanye amaqembu aphuma kwamanye amazwekazi aphetsheya kolwandle.
Iqembu elizaqeda imidlalo yalo lisemsileni lizagunyulwa liyedlala kumncintiswano wenkezo eyombala wesiliva.

please wait

No media source currently available

0:00 0:01:46 0:00

Facebook Forum

XS
SM
MD
LG