amalinks wokungena

Breaking News

Liyaqansa Inani Lezizalwane zeMelika ezithi uBiden Uyehluleka Umsebenzi


Biden

Uphenyo olusanda kwenziwa luveza ukuthi liqhubeka lisehla inani lezizalwane zeMelika ezithi uMongameli Joe Biden uqhuba kuhle umsebenzi.

Umsakazo weVoice of America (VOA) uthi uphenyo olwenziwe zinhlanganiso ezitshiyeneyo ngeviki edluleyo lukhomba ukuthi isilinganiso sokungamatshumi phose amahlanu ekhulwini, 49.2 percent sithi uBiden uyehluleka umsebenzi.

Abantu abayisilinganiso sokungamatshumi amane alokuphise kufike okuhlanu, 44.5 percent yibo abathi uBiden uqhuba kuhle umsebenzi.

Isikhulumeli sikahulumende kaBiden uNkosikazi Jen Psaki utshele intathelizindaba ukuthi udaba lomkhuhlane weCovid-19 yilo olulomthelela omubi olwenza abanye bangavumelani loBiden.

Abanye bathi nxa uBiden labebandla lakhe lamaDemocrats bengabambanga zaqina balakho ukunqotshwa ngamaRepublicans kukhetho lwephalamende ngomnyaka ozayo.

Kodwa ohlaziya ezombusazwe uMnu Tim Muringai uthi lusalude uhambo phambili ukuze abantu babe sesimeni sokutsho ukuthi amaDemocrats azanqotshwa na kumbe hatshi kulolukhetho.

please wait

No media source currently available

0:00 0:03:50 0:00

Facebook Forum

XS
SM
MD
LG