amalinks wokungena

Breaking News

Liyehla Inani Labafuna Ukuhlaba iJekiseni yeCovid 19 Vaccine KweleSouth Africa


A professional paramedic receives a dose of Johnson & Johnson COVID-19 vaccine from a health staff member at a vaccination center at Chris Hani Baragwanath Academic Hospital in Johannesburg, South Africa, March 26, 2021.

Uhulumende waseSouth Africa uthi ukhathazekile kakhulu ngokwehla kwenani labantu abeza ukuzohlaba ijekiseni yokuqinisa amasotsha omzimba ukuze uzivikele kuCovid-19.

Ngesikhathi uhulumende evulela bonke abaleminyaka engamatshumi amathathu lane (34) ukuthi bayehlaba ijekiseni lokuvikela icoronavirus emavikini ambalwa edluleyo, besekuhlatshwa abantu abaphose bafike izinkulungwane ezingamakhulu amathathu ngosuku (close to 300,000).

Kodwa khathesi lelinani selehle layafika kuzinkulungwane ezilikhulu lengxenye ngosuku (150,000). Lokhu kwenzakala ngesikhathi sekuhlatshwe abantu abaphansi kwezigidi ezilitshumi (less than 10 million) phakathi kwezizalwane zakweleSouth Africa ezedlula izigidi ezingamatshumi ayisithupha (60 million).

Umsekeli kamqondisi wogatsha lwezempilakahle kweleSouth Africa umnumnzana Nicholas Crisp uthi usizi yikuthi amajekiseni agcwele kodwa abantu yibo abangekhoyo.

“Indawo zokuhlaba zigcwele indawo zonke kodwa abantu abezi kulezi indawo.”

Ingcitshi zithi inengi labantu besatshiswa yimibiko yamanga abayithola enhlelweni zokuxhumana ku internet kugoqela ukuthi amajekisenila ayabulala. US’khwicamfundo eUniversity of Cape Town uLinda-Gail Bekker uthi zonke lezi izinto zingamanga.

“Iqiniso yikuthi ijekisenile iyamvikela umuntu ekubulaweni yicorona.”

Banengi abeZimbabwe abakhulume leStudio 7 kodwa bengafuni ukuvela obala abathi abangeke bayihlabe ijekiseni yokuvikela icorona. Abanye bathi iyavala inzalo, abanye besithi ungayihlaba uyafa ngemva kweminyaka emithathu.

Isizalwane seZimbabwe umnumnzana Mlungisi Tshabalala uthi konke lokhu ngamanga aluhlaza.

“Mina njengomunye wesizalwane sakoMthwakazi leZimbabwe osehlabile la eSouth Africa ngithanda ukugqugquzela abantu bakithi ukuthi abahlabe. Yebo siyazibona inkulumo zokuthi ye bafuna ukusibulala, ye bayenzani. Nga babefuna ukusibulala ngabe basibulala kudala ngoba zinengi izinto esizithola phetsheya kubonalaba abantu abafuna ukusibilala. Umkhuhlane loba uyabulala mpela.”

Isifundiswa seZimbabwe umnumnzana Bongani Nyathi uthi kuzadingeka uhulumende afundise abantu kabanzi ngamaqiniso ala amajekiseni.

“Yonke le imbiko yimbiko engasiqiniso. Uhulumende waseSouth Africa kufanele akhulume labantu afake imbiko etshela abantu iqiniso ukuthi ukuhlabela icorona akuzukudala ukuthi abantu bafe ngalesisifo.”

Kodwake umnumnzana Nyathi uthi akukho emthethweni njalo yikwephula amalungelo abantu ukubabamba ngamandla ukuthi bahlabe amajekiseni la. Uthi uhulumende kuzafuze adinge indlela ezisemthethweni lezihlonipha ilungelo labo zokubakhuthaza.

Facebook Forum

XS
SM
MD
LG