amalinks wokungena

Breaking News

Local Rehabilitation Workshop: Ukuphila Lobugoga Ayisikho Kuphela Kwempilo


National Disability Dialogue

Ababona ngamalungelo abantu abakhubazekileyo kungaba sengqondweni kumbe emzimbeni babe lombukiso wokutshengisa uzulu wakoBulawayo imisebenzi abayenzayo njalo besipha ulwazi ngendela abasebenza ngayo.

Unkosikazi Pretty Sithole ongumongikazi uthi omama kumele bananzelele ukuba abantwana bayathola yonke imithi lamajekiseni okumele bawathole lapho bezalwa yokubavikela emikhuhlaneni.

‘‘Abantu abagogekileyo ekuzalweni babo, umama kumele akhangele umtanakhe abekwazi ukuthi umtanakhe unjani emzimbeni ukwenzela ukuthi unanzelele lapha angabe elohlupho khona emzimbeni. Okunye omama kumele bahlabise abantwana nxa bezalwa ikakhulu umkhuhlane we polio amaketane singekela ukuhlabisa umtwana angaba lamaketane kodwa ma sekukhona asihambeni masinyane esibhedlela ukuthi abantwana bethole uncedo. Lokhu kwenza ukuthi abantwana bengathola uncedo masinyane bahanjiswe ezikolo eziyizo.’’

Unkosikazi Monica Moyo obemele inhlanganiso yeLocal Rehabilitation Workshop uthi ukuphila lobugoga ayisikho kuphela kwempilo.

“Ubugoga ayisikho kuphela kwempilo, kodwa kuyi continue yempilo ngicela ukuthi abanye labo abalimeleyo bengadondi ukubuya ikakhulu omama labana abathi bengazala abantwana abakhubazekileyo, abesesithi kasayenzi omunye umtwana ngoba engxenye uzabanjalo akubi njalo kuyabe kunguye lowo kuphuphela. Siyaba khansela sibili omama sithi abazale abanye abantwana ngoba sidila kakhulu labantu abalobugoga.”

Unkosikazi Kudzi Sibanda ongomunye osebenza labantwana abaphila lobugoga uthi bayabafundisa ukuthi basebenzise izandla.

“Thina sisebenza Labantwana abagogekileyo engqondweni,abantwana sithatha 6 to 18 years. Bangafikisa 18 years siyabatransfer to amaworkshops ukuthi bayefunda ukusebenzisa izandla zabo, abanye bayabe besebenza ukuthunga loku neater. Abafana bayabe bekugardening lemetal work.”

Umnumzana Albert Ncube ongumbalisi wabantwana abakhubazekileyo egqondweni uthi bafundisa belandela ingwalo ezintsha zokufundisa.

‘‘Sifundisa abantwana abakhubazekileyo engqondweni imisebenzi eyehlukeneyo eyezandla njengokulima ukugcina imvundla lenkukhu. Siphinde sibafundise ingwalo emaklilasini silandela inew cariculum eye ministry of education.’’

Unkosikazi Alice Siziba uthi abantu abanengi abakhubazeke abaqolo bayalimala bengezwa ngoba bengela mizwa.

“Abantu abanengi abakhubazeke amaqolo bayalimala bengakwazi ngoba abala mafeeling babone sebelimele ngoba bengezwa. So siyenzela ukuthi sibanike amachairs abakwanayo angamancane ngoba amancane ayababamba abalimaze, angamakhulu ngoba amakhulu lawo ayenza ukuthi idisability yabo iqhubekele phambili.’’

Inengi labazali kanye labantu abakhubazekileyo lidinga ukwesekelwa ngendlela zonke kodwa uthando kube yilo oluhamba phambili ngoba bezibona engani abasela mpilo. Abantu bayakhuthazwa ukuthi bengesabi ukuya cela loba ukudinga usizo ezibhedlela.

Inengi labantu wabakusmebenzi wokugcina laba bantwana njalo abakufundeleyo ukubanakekela lithi lona abazali mabangafihli abantwana abanje loba labo abakhubazeke engqondweni ezindlini ngoba labo belempilo njalo kukhona abangakwenza empilweni ngezandla zabo.

please wait

No media source currently available

0:00 0:04:19 0:00

Facebook Forum

XS
SM
MD
LG