amalinks wokungena

Breaking News

Lokhe Bebalutshwana Abantu Abahlola Amagama Kugwalo lweVoters' Roll eZimbabwe


Omunye wabahlole igama lakhe kugwalo lokuvota olwe voters' roll.

Lokhe bebalutshwana abantu abaya endaweni ezihlelwe yiZimbabwe Electoral Commission (ZEC) lapho abahlola khona amagama abo kugwalo lokutota olwe voters’ roll.

Sokusele insuku eziyisithupha kuphela ukuthi uhlelo lolu oluqaliswe ngoMgqibelo lugqitshwe.

Obona ngokuqhutshwa kwenhlelo zekhomishini yeZEC koBulawayo, uNkosikazi Sithembiso Khuphe, uthi kulelidolobho kuphela abantu asebehlole amabizo abo bazinkulungwane ezedlula itshumi lasikhombisa – 17,024.

Ikhomishini ye ZEC ikhiphe njalo umbiko oveza ukuba inani labasebehlole amabizo abo besebenzisa umakhalekhukhwini bangaphezu kwenkulungwane ezingamakhulu ayisikhombisa njalo asebaziswe ngomakhalekhukhwini yendawo lapho abazavotela khona bangaphezu kwezigidi ezintathu.

Laloba kunjalo, uNkosikazi Khuphe uthi kuqakathekile ukuthi umuntu ahlole ibizo lakhe endaweni zeZEC engathembi umakhalekhukhwini ngoba kulabanye asebethole ukuthi kulomehluko egwalweni lweZEC lemilayezo ekubomakhalekhukhwini.

“Siyabakhuthaza futhi ukuthi abantu bayekuma centres ukuze bayekhangela amagama abo. Ukhona omunye ohlole efonini bekungatshengisanga ukuthi uyi male or female wathi esesiyahlola ecentre wayathola ukuthi kukhona okungaqondanga ezintweni abazibhalisayo wakulungisa.”

Olilunga lenhlanganiso ebona ngezokhetho eye Zimbabwe Elections Support Network, UMnu. Dumisani Nkomo, uthi uhlelo lolu luhamba kahle lobanje imilayezo ethunyelwa yiZEC Ingachazi ubulili bomuntu.

UNkomo uthi ukusilela kwalokho kungabangela ukuthi abanye abantu bengavoti.

“Sibona engani uhlelo lokuhlolisisa amabizo luhamba kahle kodwa kukhona okunye okumele kulungisiswe okungaqondanga sibona information ethunyelwa ngamaphone ingachazi okugcweleyo, inikeza ibizo, inumber zesithupha lepolling station kodwa awutholi ukuthiungowesilizakumbe ungowesifazana.”

Inengi labantu elizweni jikelele lamukele ngenjabulo indlela ezehlukeneyo zokuhlola amabizo kuluhlu lwamabizo abantu ababhalisele ukuvota lolu olwe voters’ roll.

Kodwa ngesikhathi esincane esesisele ukuthi uhlelo lolu lugqitshwe, abenhlaganiso ezizimeleyo ezibona ngemfundiso yamalungelo okhetho zikhuthaza abantu ukuthi bayehlola amagama abo kuluhlu lwamabizo ababhalisele ukuthola ilungelo lokuvota mathupha ngoba bengathembela kumakhalekhukhwini kuphela abasoze bathole ithuba lokulungisisa amaphutha okungabangela ukuthi becinebengavoti lonyaka.

Udaba Esilethulelwe NguBathabile Masuku
please wait

No media source currently available

0:00 0:03:25 0:00

Facebook Forum

XS
SM
MD
LG