amalinks wokungena

Breaking News

Lokhe Belisola Abantu Idili Elikhulu Lokujabulela Ilanga Lokuzalwa KukaMugabe


Umongameli Robert Mugabe ngelanga lakhe lokuzalwa

Umongameli Robert Mugabe ufikise iminyaka engamatshumi athoba munwemunye lambili yokuzalwa ngeSonto mhlaka 21 Nhlolanja.

Abebandla lakhe leZanu PF bekhokhelwa luhlangothi lwabasakhulayo baqoqa ukumenzela inkalakatha yedili elilendleko engaba yisigidi samadollar-$1million, ngempelasonto yonale.

Laloba inengi limfisela impilo ende njalo besithi yizibusiso ezivela kuThixo ukufikisa iminyaka aselayo abakusolayo yikuthi elizweni elibhekane lendlala engaka ngenxa yokungani kwezulu lonyaka abantu bengela misebenzi, umnotho owanakala ngamandla, utheni ukuthi amukele lezi zipho zemali athengele abalambayo ukudla.

Lokhu kugcizelelwa zingcwethi zezombusazwe lozulu jikelele odabuka eZimbabwe kungakhathalekile ukuthi ukuliphi ilizwe lomhlaba. UPraxedes Jeremiah weStudio 7 uxoxe lengcwethi ecubungula ezemali umnumzana Busani Ntini okhanapha eMelika endawonye lomqeqetshi wezifundo zokwethulwa kwezindaba uDr Sheperd Mpofu okwele South Africa.

Umqalisiziba kulingxoxo uMpofu uthi "Ngimfisela inhlahla sibili umongameli Mugabe, ngoba kungxoxo azenza lentathelizindaba ezinengi ubatshela ukuthi yena uvuka ekuseni nsuku zonke ezelula umzimba ama exercise kanye lokudla kuhle. Yinto enhle le ayenzayo ukuzinakekela impilo yakhe okuyisibonelo esihle kithi abasakhulayo ukuba umuntu ulakho ukufikisa iminyaka enje nxa uziphatha kahle. Udubo nje yikuthi ngesimo esikhona e
Zimbabwe ngabe uthethe leyo mali yasebenza kokunye".

UNtini yena laye umfisela impilo ende uMugabe ethi ukufikisa liminyaka yizibuziso ezivela kuThixo njalo okunje kumele kuze lokukhalipha okukhulu. "Ekukhalipheni lapha yikho esehlukana khona ngoba angikholwa ukuthi kungumqondo omuhle ukutshaphaza imali enengi kangako edilini elizaba ngamahola athile abantu badle bajabule ngemva kwalokho babuyele endlaleni yabo. Kungaba ngcono ukuthi athi imali yonke elingipha yona njengezipho kumele iye kunhlanganiso ethile yokunceda abaswelayo kumbe isikolo hatshi lokhu akwenzayo"

Ingxoxo yokuhlaziya ukwenziwa kwedili elikhulu lokujabulela ilanga lokuzalwa kukaMugabe
please wait

No media source currently available

0:00 0:04:20 0:00
Lapho esitholakala khona

XS
SM
MD
LG