amalinks wokungena

Breaking News

Umthethwandaba Uthi Kumele Udaba Lombhuqazwe weGukurahundi Luphathwe Ngonazelelo


Gukurahundi Graves

Umahluli weHigh Court ngoLwesine udlulisela phambili isinqumo sokumisa uMongameli Emmerson Mnangagwa labanye ukugebha amathambo ababulawa ngesikhathi sombhuqazwe weGukurahundi.

Ngemva kokulalela okumunyethwe zingwalo zamagqwetha uMahluli uJustice Martin Makonese, uchaze ukuba umbhuqazwe weGukurahundi ludaba oluphatha kubi abantu ngakho kumele luphathwe ngobuciko obukhulu kulandelwa isisekelo sombuso.

Udaba lolu lwaphenyekwa emthethwandaba yinhlanganiso yeIbhetshu Likazulu ibambisana leZapu, uMnu. Charles Thomas, labanye abathi yikuganga okwenziwa nguMnangagwa, inhlanganiso yeMatabeleland Collective, inhlangothi ezimbalwa zikahulumende lekhomishini ebona ngokhumisana umlotha eyeNational Peace and Reconciliation Commission abafuna ukuphanda amathambo abantu kungakakhulunyiswana labantu abalezihlobo ezabulawa yiGukurahundi.

UMnu. Mbuso Fuzwayo, umqondisi wenhlanganiso yeIbhetshu Likazulu, uthi kuyamangalisa ukuthi okwemanje emthethwandaba kukhulunywa ngekhomishini yokukhumisana umlotha ikantik-ke yona iyabe ingekho nxa umongameli exoxisana lenhlanganiso yeMatabeleland Collective.

“Kulusizi umongameli labanye bayaganga uma sebevala ubunqunu babo sebecatsha ngeNPRC abangayihloniphiyo. Uhulumende usebuye kabili ehlangana engela NPRC njalo isisekelo sombuso siyacaca ngodaba lombhuqazwe weGukurahundi njalo sebecala amaphephandaba ukuba ababhala kubi kodwa sebeke bahlangana bengela NPRC. INPRC layo iyathula bayekela uzulu eqanjelwa amanga kodwa bethule ngoba bengalandeli isisekelo sombuso.”

Umkhokhelo womanyano wenhlanganiso yeMatabeleland Collective, uNkosikazi Jennie Williams, walile ukukhuluma ngodaba lolu ethi lusasedale engakhuluma ngalo uyabe esephula umthetho.

Inhlanganiso le ithi isizaqala uhlelo lokulungisa ama birth certificates abantu abalabazali ababulawa ngesikhathi sombhuqazwe weGukurahundi.

Ngenyanga kaNcwabakazi, uMnangagwa wenze umhlangano labenhlanganiso yeMatabeleland Collective labanye abantu bekhulumisana ngodaba lweGukurahundi baphuma lesinqumo sokuthi kugejwe amathambo ababulawayo ukuze kuqaliswe uhlelo lokuphiwa amaphepha wokutshona kwabo amaDeath Certificates, amaBirth Certificates lokunye.

Facebook Forum

XS
SM
MD
LG