amalinks wokungena

Breaking News

ULuke Malaba Utholakala Engelacala Lokubuyela Emsebenzini


UChief Justice Luke Malaba loMongameli Emmerson Mnangagwa.

Umahluli omkhulu welizwe, uChief Justice Luke Malaba, utholakale namuhla engelacala lokubuyela emsebenzini kulandela isinqumo sedale leHigh Court esavimba ukuba kwengezwe iminyaka yakhe yokusebenza.

Intathelizindaba yeVoice of America ibika ukuthi isinqumo lesi senziwe nguJustice Amy Tsanga loJustice Slyvia Chirawu-Mugomba.

Bathi uMalaba walandela umthetho ekubuyeleni kwakhe emsebenzini njengoba ukuvinjwa kwakhe kwasokubekwe eceleni kulandela ukuphanyeka udaba lolu eSupreme Court ngumantshi omkhulu welizwe kanye lomele uhlangothi lukahulumende olubona ngendaba zekhaya lokunye.

Idale leHigh Court lalithe akukho emthethweni ukwengezwa kweminyaka yokusebenza kaMalaba kulandela ukufikisa kwakhe iminyaka yokuzalwa engamatshumi ayisikhombisa.

UMongameli Emmerson Mnangagwa wengeza iminyaka kaMalaba yokusebenza elandela umthetho weZimbabwe Constitution Amendment (Number 2) Act.

Kodwa uMnu. Musa Kika, umqondisi wenhlanganiso yeZimbabwe Human Rights NGO Forum, waphanyeka udaba lokubuyela kuka Malaba emthethwandaba esithi kumele avalelwe entilongweni okwenyanga eziyisithupha ngoba wayedelele umthethwandaba.

Omunye wamagqwetha aphethe udaba lolu, uMnu. Thabani Mpofu, wethule umbiko enkundleni yokuxhumana eyeTwitter esithi bazakuya emthethwandaba ngoLwesihlanu phezu kodaba lolu.

"Sisibonile isinqumo somthethwandaba weHigh Court. Sizakuya emthethwandaba kusasa (ngoLwesihlanu) sisiya kwethula esifisa ukuba kwenziwe."

Ingxoxo Esiyenze LoMnu. Matshobana Ncube
please wait

No media source currently available

0:00 0:07:42 0:00


Facebook Forum

XS
SM
MD
LG