amalinks wokungena

Breaking News

Matanga: Luqhubeka Kuhle Uphenyo Lwebhomba koBulawayo


UPolice Commissioner Godwin-Matanga.

Ukhomishina Matanga utshele uBulawayo emhlanganweni lentathelizindaba ukuba uphenyo lokudinga bonke abaphatheka emizameni yokubulala uMnangawa kumaviki amabili adluleyo eWhite City Stadium selufike esibangeni esiphezulu sokuphutsha.

Amapholisa aweZRP koBulawayo
Amapholisa aweZRP koBulawayo

"Imoya yethu ilokudana okuphezulu kulandela isiga sokuzama ukubulala umongameli Mnangagwa silokhe siqhubekela phambili ngophenyo njalo konke kuhamba kahle".

Uqinise isizwe ngokuthi labo abaphatheka kulesi siga sebeseduzane lokubanjwa.

"Amapholisa labo bonke abacubungula loludaba abasoke bama ukuphenya size sibambe bonke abaphatheka ebubini osebuthethe impilo zabantu ababili kwalimala labanye kakubi".

UMatanga ubonge bonke abantu abaphe ubufakazi bokwenzakala eWhite City Stadium, ecela labanye abangabe belolwazi ukuba baye emapholiseni aseduze labo.

ZRP koBulawayo
ZRP koBulawayo

Kufe abantu ababili kusehlakalo lesi kwalimala abambalwa. Kuthi uMsekeli kaMongameli uMnu Kembo Mohadi lotshalimani webandla elibusayo uNkosikazi Oppah Muchinguri labo abalimale kulesi sehlakalo lokhe beselatshwa kweleSouth Africa. Abanye sebaphuma ezibhedlela kuthi abanye lokhe belalisiwe kulandela ukulimala kakhulu. Abantu abadlula amatshumi amane balimala kulandela ukudubuka kwebhomba emhlanganweni wabe Zanu PF wokukhankasela ukuthola usekelo kukhetho oluzayo.

please wait

No media source currently available

0:00 0:03:15 0:00

Facebook Forum

XS
SM
MD
LG