amalinks wokungena

Breaking News

Luqhubeka Lumemetheka Okwethusayo Ubhubhane lweCovid-19


Coronavirus, Zimbabwe

Kubhubhe abantu abangamatshumi amahlanu, 55, ngeCovid-19 eZimbabwe ngoLwesihlanu njalo kwatholakala abazinkulungwane phose ezintathu, 2,683 belomkhuhlane lo.

Lokhu kutsho ukuthi abantu ababhubhe ngoLwesine langoLwesihlanu kuphela balikhulu eliletshumi lanye, 111.

Ingcwethi zithi amanani lawa akhomba sobala ukuthi umkhuhlane lo uya umemetheka ngamandla lanxa nje uhulumende eseqinise imigoqo yokuwenqabela.

Inani lasebebulewe lubhubhane lolu selifike ku2,084 kuthi asebefunyenwe belawo sebeku65,066, ngokutsho kogatsha olubona ngezempilakahle.

Abaphethwe yilumhkuhlane bonke sikhulumanje bangu18,961.

Abahlatshwe ijekiseni yakuqala yokuvikela umkhuhlane ngoLwesihlanu bangu26,374 kuthi abahlatshwe eyesibili bona bangu4,063.

Asebehlatshwe eyakuqala bonke sebengu875,182 kuthi asebehlatshwe eyesibili njalo ingeyokucina sebengu588,883.

Facebook Forum

XS
SM
MD
LG