amalinks wokungena

Breaking News

Lusemilonyeni Yabanengi Udaba lukaPrince Harry Lomkakhe uMeghan Markle


Meghan Markle Prince Harry Archie

Lusemilonyeni yabanengi udaba lwenkosana yakweleBhilithani uPrince Harry loNkosikazi wakhe uMeghan Markle kulandela amazwi abo okuthi basuke endlini yobukhosi ngoba uMeghan, ongumuntu onsundu njalo oyisizalwane seMelika ubebandlululwa ngokombala.

Ababili laba basuke eBhilithani nyakenye batshiya izikhundla zesikhosini sebesiyaphila impilo yabo bodwa eMelika lapho abatshele khona intathelizindaba edumileyo uOprah ukuthi uMeghan wayethwele nzima esizwa ehlukumezekile njalo esalelwa ukuthi adinge uncedo ngabesikhosini waze wacabanga lokuzibulala.

Bathi okwabenza batshiya indlu yobukhosi yikuthi uHarry wabuzwa ngelinye ilunga lomndeni ukuthi ijwabu lendodana yakhe eyayingakabelethwa lalizaba njani.

Indlovukazi yasebhilithani yethule umbiko izolo isithi izaluphenya udaba lobandlululo lolu.

Ohlaziya ezombusazwe njalo ehlala eBhilithani uMnu Difa Dube utshele iStudio 7 ukuthi abanengi abavumelana lokuthi ngempela uMeghan wayehlukunyenzwa ngabantu abansundu leminye imihlobo evame ukuhlangana lobandlululo.

please wait
Embed

No media source currently available

0:00 0:02:50 0:00

Facebook Forum

XS
SM
MD
LG