amalinks wokungena

Breaking News

Luyaqhubeka Udubo Lokusilela Kwemali Emabhanga


Lanxa ibhanga elikhulu lelizwe lithembise ekuqaleni kwalinyanga ukuthi lizadinda izigidi ezingamakhulu amathathu zamadola ($300 million), emizameni yokuqeda ukusilela kwemali, lokhe luqhubeka loludubo.

Abantu abanengi batshona besendwendweni emabhanga lapho abaphiwa khona ingcosana nje engathengi lutho.

Usibalukhulu weReserve Bank of Zimbabwe (RBZ), uMnu. John Mangudya, wazise ngokudindwa kwe$300 million yamabond notes ekuqaleni kwalinyanga.

Asenelisanga ukukhulumisana laye ngodaba lokuthi seyafakwa yini emabhanga limali kumbe hatshi.

Kodwa ingcwethi kwezenotho, uMnu. Rejoice Ngwenya, utshele iStudio 7 ukuthi lanxa ingaze ifakwe emabhanga limali, ukusilela kwayo elizweni kuzaqhubeka.

“Akula mehluko okhona, abantu batshona belayinile emabhanga kodwa izimali zabo kabazitholi,” kutsho uMnu. Ngwenya.

please wait

No media source currently available

0:00 0:02:24 0:00

Facebook Forum

XS
SM
MD
LG