amalinks wokungena

Breaking News

Luzokwahlulelwa Ngubani Udaba LukaMalaba Emthethwandaba weSupreme Court?


Chief Justice Luke Malaba

Ingcwethi ezicubungula ezombusazwe lezemithetho zithi kuzaba nzima ukwahlulela udaba lukamahluli omkhulu welizwe, uChief Justice Luke Malaba, olokuthi aqeliselwe isikhathi sokusebenza ngeminyaka emihlanu loba hatshi.

Lanxa umthethwandaba weHigh Court unqume ngoMgqibelo ukuthi uChief Justice Malaba engangezelelwa iminyaka emihlanu yokusebenza uhulumende usekhweze udaba lokuphikisa lesi sinqumo edale laphezulu ele Supreme Court.

Umphathintambo wezemithetho, umnumzana Ziyambi Ziyambi emanyene legqwetha elikhulu likahulumende, uAttorney General Prince Machaya yibo abalobele emthethwandaba weSupreme Court bephikisa isinqumo seHigh Court.

Inengi liyazibuza ukuthi ngubani ke, ozakwahlulela kuloludaba njengoba abahluleli banye okumele benze lokho kuyibo njalo ababethwayo edabeni obeluphambi kweHigh Court.

Kodwa uhulumende uthi uzolandela konke okumele kulandelwe ngemva kokuba ekhweze udaba lwakhe emthethwandaba waphezulu weSupreme Court ukuphikisa isinqumo sika Justice Zhou esivimba ukungenzelelwa kweminyaka yokusebenza kukaMalaba.

Lokhu kuvezwe embikweni owethulelwe intathelizindaba ulotshwe ngunobhala wogatsha lwezemithetho uNkosikazi Virginia Mabhiza phezu kwaloludaba njalo esithi uyahlonipha isinqumo seHigh Court lanxa siphambana lombono wabo kungakho belandela umthetho ukusiphikisa emthethwandaba waphezulu oweSupreme.

Enye ingcwethi ecubungula ezombusazwe enhlanganisweni ye Zimbabwe Democracy Institute - ZDI umnumzana Bekezela Gumbo uthi akubamangalisi osekusenzakala.

“I-Zimbabwe Democracy Institute ihlala ikhuluma ukuthi i-Zimbabwe isenkingeni yalokho okuthi yi Competative Authoritarian Regime eyenza capture ama-Public institutions njenge-Judiciary, iwayenze ukuthi emehlweni omuntu okhatshana ebone ingani kule-Judiciary esebenzayo kodwa emuntwini oseduze, ebona ukuthi ayisebenzi. Ngoba ma bengahamba beye phambili ngaloludaba lucutshungulwe yi-Court ngendlela eyiyo yona khathesi, kuyabe kutshengisa ukuthi i-Judiciary kumbe singathi amadale lawa ayabe engekho free, ayabe e-captured.”

U-Gumbo uthi balindele ukubona ukuba luzokwahlulelwa ngubani lolodaba njengoba abeSupreme Court beyibo njalo ababethwayo kulelo ebelithethwa eHigh Court.

“Elizweni kumbe esingakubiza sisithi yi-Authoritarian Regime, singakhangelela loba yini, noma yini ingayenzeka. So, akusimangalisi ukuthi sibabone , abantu, umsolwa kunguye kunguye ogwebayo, umsolwa engazigweba kumbe angahlala ezigwebe kumbe egwebe omsolayo, akumangalisi lokhuyana. Kodwa siyakwazi ukuthi emthethweni silama-principles omthetho njengokuthi umuntu kangeke ebe ngu-Judge endabeni yena olecala kilo kumbe esingathi olodaka kumbe obambeka kilo.”

Eyinye njalo ingcwethi yezemithetho oligqwetha, umnumzana Nqobani Sithole upha umbono wakhe phezu kobunzima obubhekane lale indaba.

“I-challenge ekhona yikuthi ama-Supreme court Judges, eyi-part of i-litigation, okuzakhathaza yikuthi ngobani abazakuzwa indaba yona leyo. Nxa sesikhangele futhi, in terms of the Constitution, ama-Judges can be appointed by u-Chief Justice or Acting Chief Justice as it were, but manje laye khathesi futhi u-part of i-litigation.”

U-Sithole uthi ilizwe selibhekane lesimo ebekade singalindelwe.

“We have got a novel situation, i-situation engazange ikhangelelwe ukuthi ingafa yayenzakala. Emthethweni, ngombono wami, mina ngibona engani sesile Constitutional crisis, ngoba even wona lawa ama-Judges okuthiwa azabuya from ama Retired Judges and some other lawyers , iproblem yikuthi, sazi ukuthi bazakhethwa ngubani, ngoba bonke okufuze bakhethe laba bantu, ngama-litigants.”

Kodwa uhulumende encwadini yakhe esayinwe ngunkosikazi Mabhiza uthembisa uzulu ukuthi luzoqhutshwa ngendlela eqondileyo loludaba kulandelwa imithetho yonke yelizwe.

Udaba lukaChief Justice Malaba siluphiwa nguMavis Gama
please wait

No media source currently available

0:00 0:04:24 0:00

Facebook Forum

XS
SM
MD
LG