amalinks wokungena

Breaking News

ULwazi Sibanda Ngokutshaywa Kwakhe Yizikliwi zeMDC-T: Bangivuthele Ngesibhakela Bangitshaya Ngembodlela


Omunye weziphathamandla zeMDC-T ezitshaywe ngabasekeli balelibandla emngcwabeni kaMnu Morgan Tsvangirai ngoMvulo, uNkosazana Lwazi Sibanda uthi umkhuba wodlakela ukhanya ukhula ngamandla kubandla leli.

UMaSibanda, yena omela isigaba seBulawayo Metropolitan ephalamende utshaywe wadatshulelwa isigqoko yizikliwi lezi.

UNkosazana Thokozani Khupe ngomunye laye otshayiweyo waphosa watshiselwa endlini lezinye iziphathamandla ezigoqela uMnu Abednico Bhebhe loMnu Douglas Mwonzora.

UMaKhupe loMaSibanda bake batshaywa njalo nyakenye yizikliwi zebandla labo ezazisithi zithunywe nguTsvangirai lanxa yena wakulandula lokhu.

Ozithi nguye osaphethe ubukhokheli beMDC-T uMnu Nelson Chamisa ithi abatshaye ababili laba ngoMvulo kumele babotshwe.

Abasakhulayo beMDC-T laba baqale bahlasela uMaKhupe, uMwonzora loBhebhe, basebesukela uMaSibanda ngemva kokumbona edinga uMaKhupe.

“Ngithe ngivele tshiya isikhwama sami emoteni sengisiyadinga ama-youth eMatabeleland North ukuthi siyehlenga uMaKhupe omunye wangitshaya ngembodlela omunye wangivuthela ngesibhakela,” kuchasise uMaSibanda.

please wait

No media source currently available

0:00 0:02:09 0:00
XS
SM
MD
LG